Shahardagi internet qayergadir yo‘qoldi! Shaharni telekommunikatsion tartibsizlik egallagan. Bu dahshatli jinoyatni qaysi yaramas amalga oshirgan ekan?! Kim bizga yordam beradi?
Kronik yordam uchun yo‘lga chiqdi. U adolatni tiklaydi va shahar aholisiga Internetni qaytarib beradi. Kronik sarguzashtlari boshlanmoqda!
Siz allaqachon “Kronik sarguzashtlari” o‘yinining bosh qahramoni Kronik ismli kichkinagina va xushchaqchaq maxluqcha ekanligini tushunib yetgandirsiz? U Tashkent City’ni Yovuzlik Doktoridan himoya qilishga shaylangan!
Tunda Yovuzlik Doktori Tashkent City’ning barcha xonadonlari va idoralaridagi modemlarni o‘g‘irlab, ularni 3 bo‘lakka sindirib tashladi. Eng afsuslanarlisi, bu bo‘laklar solingan xalta yirtilib ketdi va modem bo‘laklari butun shahar bo‘ylab sochilib ketdi. O‘yinchi Kronik o‘rnida o‘ynashi lozim. O‘yinning maqsadi, har bir pog‘onada qo‘yilgan to‘siqlarni yengib o‘tgan holda, modemning yo‘qolgan qismlarini terishdan iborat.
O‘yin klassik arkada ko‘rinishida yaratilgan bo‘lib, ko‘pchiligimizning yodimizda bo‘lgan Super Mario o‘yinini eslatadi.
O‘yinda 20 ta bosqich bo‘lib, ularni o‘ynash davomida zerikib qolmaysiz.
Bosqichni yutish uchun, Kronik modemning barcha qismlarini to‘plashi, uni tuzatishi va shahar aholisi uylari va idoralaridagi Internetni sozlashi kerak bo‘ladi.
Bu unchalik oson ish emas, chunki har bir bosqichda Kronikning yo‘liga turli to‘siqlar to‘g‘anoq bo‘ladi va Yovuzlik Doktorining yordamchilari unga o‘z vazifasini bajarishiga halaqit berishga harakat qiladilar.
Kronikning o‘rnida o‘ynang va Tashkent City’da adolatni qaror topdiring!
Izoh (0)