Germaniya bundestagi deputatlari elektron josuslik qurbonlari bo‘lishdi — OAV

AQSh maxsus xizmatlari Angela Merkeldan tashqari, Germaniya bundestagining ba’zi deputatlari aloqa vositalarini ham kuzatgani ma’lum bo‘ldi. Bu haqda Spiegel nashriga tayanib, “ITAR-TASS” xabar berdi.

Maxsus xizmatlar faoliyati ustidan nazorat bo‘yicha parlament qo‘mitasi sobiq a’zosi Shteffen Bokxan va elektron kuzatuv atrofidagi shov-shuvni o‘rganish bo‘yicha bundestag komissiyasi a’zosi Roderix Kizevetter bunday maxfiy kuzatuv qurbonlariga aylanishdi.

Ularning har ikkalasi ham o‘z mobil telefonlariga noma’lum uchinchi shaxsning aloqasi borligini tasodifan bilib qolishgan.

Elektron kuzatuv atrofidagi shov-shuvni o‘rganish bo‘yicha bundestag komissiyasi Patrik Zensburg “parlament a’zolarini ishonchli aloqa vositalari bilan ta’minlash uchun mobil telefonlarni Xavfsizlik va axborot texnikasi federal idorasiga tekshirishga berish kerak”ligini ta’kidladi.