Tojikiston hukumati Qirg‘izistondan Batken viloyatida joylashgan “Tamdik” chegara postini olib tashlashni talab qildi. Bu haqda Qirg‘iziston Chegara xizmati “ITAR-TASS”ga ma’lum qildi.
Ikki davlat chegara idoralari o‘rtasida bo‘lib o‘tgan muzokaralarda tojik tomoni ana shunday talab bilan chiqqan.
“Chegara posti olib tashlanmasa, 30 ga yaqin Tojikiston fuqarolari u yerga hujum qilish uchun tayyor turibdi, hukumat esa ularning harakatlari uchun javob bermaydi”, — dedi Chegara xizmati xodimi.
Eslatib o‘tamiz, 10-iyul kuni Tojikistonlik chegarachilar Qirg‘izistonning “Tamdik” chegara postini minomyot va granatomyotlar bilan o‘qqa tutdi.
Qirg‘iziston chegarachilari davlat chegarasidagi talash hududda vodoprovod qurishni to‘xtatishni talab qilgach, Tojikiston fuqarolari ularga tosh yog‘dira boshlagan. Natijada voqea joyiga yetib kelgan har ikkala davlat chegarachilari o‘rtasida otishma boshlangan.
Izoh (0)