AQShning Tennessi shtati Noksvill shahrida yashovchi Roy Kokrum 259,8 millionlik jekpotga ega ommabop Powerball lotereyasi g‘olibiga aylandi. Bu haqda “ITAR-TASS” xabar berdi.
Lotereya tashkilotchilarining aytishicha, Roy Kokrum o‘z chiptasining yutganidan xabardor bo‘lganidan bir necha hafta o‘tibgina pulni olish uchun kelgan. U kechikishi sababini moliyaviy masalalar bo‘yicha mutaxassisga murojaat qilgani bilan izohladi.
Hamma yaxshi va yomon tomonlarni chamalab ko‘rib, g‘olib mukofotni bo‘lib-bo‘lib emas, birdan to‘liq miqdorda olishga qaror qildi. Shu tariqa, lotereya shartlariga ko‘ra, yutuq 153 millionga teng bo‘ldi. To‘liq hajmdagi jekpotni, Kokrum 30 yil davomida ma’lum qismlarda olishga rozi bo‘lgan taqdirda qo‘lga kiritishi mumkin edi.
U yutuqning katta qismini AQShda teatr va raqs studiyalari ochishga sarflamoqchi.
Powerball lotereyasi AQShning 43 shtatida o‘ynaladi. Beshta oq va bitta qizil shar raqamlarini to‘g‘ri topgan kishi g‘olib bo‘ladi.
Izoh (0)