АҚШнинг Теннесси штати Ноксвилл шаҳрида яшовчи Рой Кокрум 259,8 миллионлик жекпотга эга оммабоп Powerball лотереяси ғолибига айланди. Бу ҳақда ИТАР-ТАСС хабар берди.
Лотерея ташкилотчиларининг айтишича, Рой Кокрум ўз чиптасининг ютганидан хабардор бўлганидан бир неча ҳафта ўтибгина пулни олиш учун келган. У кечикиши сабабини молиявий масалалар бўйича мутахассисга мурожаат қилгани билан изоҳлади.
Ҳамма яхши ва ёмон томонларни чамалаб кўриб, ғолиб мукофотни бўлиб-бўлиб эмас, бирдан тўлиқ миқдорда олишга қарор қилди. Шу тариқа, лотерея шартларига кўра, ютуқ 153 миллионга тенг бўлди. Тўлиқ ҳажмдаги жекпотни, Кокрум 30 йил давомида маълум қисмларда олишга рози бўлган тақдирда қўлга киритиши мумкин эди.
У ютуқнинг катта қисмини АҚШда театр ва рақс студиялари очишга сарфламоқчи.
Powerball лотереяси АҚШнинг 43 штатида ўйналади. Бешта оқ ва битта қизил шар рақамларини тўғри топган киши ғолиб бўлади.
Изоҳ (0)