AQShning Kaliforniya shtatida noqonuniy ravishda qurol saqlagani uchun qamalgan va “AQShdagi eng kelishgan jinoyatchi” nomiga sazovor bo‘lgan mahbus model agentligi bilan shartnoma tuzdi. Bu haqda Hollywood Reporter’ga tayanib, “RIA Novosti” xabar berdi.
Jeremi Miks Blaze Models bilan 30 ming dollarlik shartnoma imzoladi. Unga Versace va Armani moda uylaridan ham takliflar tushgan.
Eslatib o‘tamiz, AQShning Kaliforniya shtati, Stokton shahri politsiya mahkamasining Facebook’dagi sahifasiga 18-iyun, chorshanba kuni qo‘yilgan Jeremi Miksning rasmi hozirgacha 100 mingdan ortiq “Like” va ko‘plab izohlarga sabab bo‘ldi. Facebook foydalanuvchilari qo‘lga olingan Jeremining haddan ziyod kelishgan ekanligini ta’kidlagan holda uning chiroyi xazon bo‘layotganligini bildirishgan.
Izoh (0)