O‘zbekiston va Koreya Respublikasi Toshkent shahrida To‘qimachilik texnologiyalari innovatsion markazini tuzmoqchi. Bu haqda UzDaily xabar berdi.
Bu “O‘zbekyengilsanoat” Davlat aksiyadorlik kompaniyasi va Koreya texnologiyalar taraqqiyoti instituti o‘rtasida imzolangan Hamjihatlik haqidagi memorandumda ko‘zda tutilgan. Loyiha qiymati 10 million dollarga teng.
O‘zbekiston va Janubiy Koreya to‘qimachilik va yengil sanoat sohasida hamkorlik va o‘zaro hamjihatlik to‘g‘risida memorandum hamda to‘qimachilik va yengil sanoatda birgalikdagi investitision loyihalarni amalga oshirish bo‘yicha bitimlar tuzishdi.
“O‘zbekyengilsanoat” DAK va Daewoo International “DEU Tekstil Farg‘ona” va “DEU Tekstil Buxoro”dagi ishlab chiqarishni kengaytirish va modernizatsiya qilish bo‘yicha hamjihatlik to‘g‘risida memorandum imzoladi.
Tomonlar to‘qimachilik va yengil sanoatda hamkorlikdagi uchta yangi investitsion loyihalarni amalga oshirishga kelishib oldi. Ularning birgalikdagi qiymati 20 million dollarga teng bo‘lib, “O‘zbekyengilsanoat” DAK va “Yanguan Korporeyshn” tomonidan amalga oshiriladi.
Izoh (0)