Ўзбекистон ва Корея Республикаси Тошкент шаҳрида Тўқимачилик технологиялари инновацион марказини тузмоқчи. Бу ҳақда UzDaily хабар берди.
Бу «Ўзбекенгилсаноат» Давлат акциядорлик компанияси ва Корея технологиялар тараққиёти институти ўртасида имзоланган Ҳамжиҳатлик ҳақидаги меморандумда кўзда тутилган. Лойиҳа қиймати 10 миллион долларга тенг.
Ўзбекистон ва Жанубий Корея тўқимачилик ва енгил саноат соҳасида ҳамкорлик ва ўзаро ҳамжиҳатлик тўғрисида меморандум ҳамда тўқимачилик ва енгил саноатда биргаликдаги инвеститисион лойиҳаларни амалга ошириш бўйича битимлар тузишди.
«Ўзбекенгилсаноат» ДАК ва Daewoo International «ДЕУ Текстил Фарғона» ва «ДЕУ Текстил Бухоро»даги ишлаб чиқаришни кенгайтириш ва модернизация қилиш бўйича ҳамжиҳатлик тўғрисида меморандум имзолади.
Томонлар тўқимачилик ва енгил саноатда ҳамкорликдаги учта янги инвестицион лойиҳаларни амалга оширишга келишиб олди. Уларнинг биргаликдаги қиймати 20 миллион долларга тенг бўлиб, «Ўзбекенгилсаноат» ДАК ва «Янгуан Корпорейшн» томонидан амалга оширилади.
Изоҳ (0)