JCh — 2014 guruh bosqichi 3-turidan o‘rin olgan Nigeriya – Argentina uchrashuvi o‘z nihoyasiga yetdi. Mazkur bahs gollarga boy bo‘ldi va yakunda argentinaliklar g‘alaba to‘pini kiritishga muvaffaq bo‘lishdi. Bu haqda Uff.uz xabar berdi.
O‘yinning 3-daqiqasidayoq Lionel Messi hisobni ochdi, mazkur goldan so‘ng ko‘pchilik argentinaliklardan oson bo‘lgan g‘alabani kutdi. Biroq oradan 1 daqiqa o‘tib Musa hisobni tenglashtirli, 1:1.
Nigeriya raqiblarining yulduzli tarkibiga qaramasdan hujumkor va chiroyli o‘yin namoyish qilishda davom etaverdi, ammo birinchi bo‘lim so‘nggi daqiqasida Messi yana bor o‘z so‘zini aytdi. Jarima to‘pini juda aniq amalga oshirgan 4 karra “Oltin to‘p” sohibi jamoasini oldinga olib chiqdi. Shu hisob bilan jamoalar tanaffusga yo‘l olishdi.
Ikkinchi bo‘limning 2-daqiqasidayoq yana Musa hisobni tenglashtirdi, 2:2. Ammo 50-daqiqadagi Roxoning burchak to‘pidan so‘ng kiritgan goli yakunda Argentinaga guruhdagi uchinchi g‘alabani taqdim etdi.
JCh — 2014“F” guruhi
Nigeriya – Argentina 2:3 (1:2)Gollar: 0:1 – 3 Messi, 1:1 – 4 Musa, 1:2 – 45 Messi, 2:2 – 47 Musa, 2:3 – 50 Roxo.Nigeriya – Enema, Embrouz, Omeruo, Yobo, Oshaniva, Obi Mikel, Onazi, Odemvingi (Nvofor, 80), Babatunde (Uchebo, 66), Musa, Emenike.Argentina – Romero, Sabaleta, Garay, Fernandes, Roxo, Maskerano, Gago, Di Mariya, Messi (Alvares, 63), Iguain (Bigliya, 90), Aguero (Lavessi, 38).Ogohlantirishlar: Omeruo (49), Oshaniva (51).
Izoh (0)