ЖЧ — 2014 гуруҳ босқичи 3-туридан ўрин олган Нигерия – Аргентина учрашуви ўз ниҳоясига етди. Мазкур баҳс голларга бой бўлди ва якунда аргентиналиклар ғалаба тўпини киритишга муваффақ бўлишди. Бу ҳақда Uff.uz хабар берди.
Ўйиннинг 3-дақиқасидаёқ Лионель Месси ҳисобни очди, мазкур голдан сўнг кўпчилик аргентиналиклардан осон бўлган ғалабани кутди. Бироқ орадан 1 дақиқа ўтиб Муса ҳисобни тенглаштирли, 1:1.
Нигерия рақибларининг юлдузли таркибига қарамасдан ҳужумкор ва чиройли ўйин намойиш қилишда давом этаверди, аммо биринчи бўлим сўнгги дақиқасида Месси яна бор ўз сўзини айтди. Жарима тўпини жуда аниқ амалга оширган 4 карра «Олтин тўп» соҳиби жамоасини олдинга олиб чиқди. Шу ҳисоб билан жамоалар танаффусга йўл олишди.
Иккинчи бўлимнинг 2-дақиқасидаёқ яна Муса ҳисобни тенглаштирди, 2:2. Аммо 50-дақиқадаги Рохонинг бурчак тўпидан сўнг киритган голи якунда Аргентинага гуруҳдаги учинчи ғалабани тақдим этди.
ЖЧ — 2014«F» гуруҳи
Нигерия – Аргентина 2:3 (1:2)Голлар: 0:1 – 3 Месси, 1:1 – 4 Муса, 1:2 – 45 Месси, 2:2 – 47 Муса, 2:3 – 50 Рохо.Нигерия – Энема, Эмброуз, Омеруо, Ёбо, Ошанива, Оби Микел, Онази, Одемвинги (Нвофор, 80), Бабатунде (Учебо, 66), Муса, Эменике.Аргентина – Ромеро, Сабалета, Гарай, Фернандес, Рохо, Маскерано, Гаго, Ди Мария, Месси (Алварес, 63), Игуаин (Биглия, 90), Агуэро (Лавесси, 38).Огоҳлантиришлар: Омеруо (49), Ошанива (51).
Изоҳ (0)