O‘zbekistonlik FIFA referisi Ravshan Ermatov JCh — 2014 davomidagi ikkinchi hakamligi uchun 8,5 ball to‘pladi.
Ermatov 24-iyun kuni bo‘lib o‘tgan Meksika — Xorvatiya o‘yinida hakamlik qildi. Unda Meksika Xorvatiya ustidan 3:1 hisobida g‘alaba qozondi.
JCh — 2014’dagi hakamliklari uchun umumiy 7,8 ball bilan Worldreferee.com saytida Ermatov uchinchi o‘rinni egalladi. Biroq undan yuqoridagi arbitrlar — gollandiyalik Byorn Kyoypers va turkiyalik Juneyt Chakirning har ikkisi ham u bilan teng — 7,8 ochkodan yig‘gan.
Avvalroq, Shveysariya va Ekvador terma jamoalari o‘rtasidagi o‘yinni boshqarganidan so‘ng hamyurtimiz 7,6 ball to‘plagan, bir necha kun ichida uning ochkosi 8,1 gacha ko‘tarilgan va u hakamlar ichida mutlaq yetakchiga aylangan edi.
Ta’kidlash joiz, Worldreferee.com sayti futbol o‘yinlaridagi arbitrlarning faoliyatlarini baholash bilan shug‘ullanadi. Ularga sayt muxbirlari va a’zolari ball qo‘yadi.
Izoh (0)