Urugvay terma jamoasi hujumchisi Luis Suares yana eski “hunari”ni eslab qoldi, deb yozadi Uff.uz.
Suares yana raqibini tishlab oldi. Bu safar uning o‘tkir tishlari Jorjo Kelliniga “ataldi”. Uchrashuvni boshqarib borgan hakam Marko Rodriges bu holatni payqamay qoldi va Luis Suaresni jazolamadi.
Ammo intizom qo‘mitasi bu holatni ko‘rib chiqishi va Urugvay terma jamoasi hujumchisini jazolashi mumkin. Nashrning eslatishicha, Suares avval ham “Chelsi” himoyachisi Branislav Ivanovich va “PSV” futbolchisi Oman Bakkalalarni tishlab olgan edi.
Luis Suaresning ushbu “hunari” darhol muxlislar e’tiborini o‘ziga tortdi va unga bag‘ishlangan yangi kinoyali suratlar internetda paydo bo‘ldi. Ulardan birida Suares ruhiy kasallar uchun tinchlantirish kiyimi va jag‘ga taqiladigan maxsus bog‘ichda tasvirlangan.
Qiziq tomoni, Luis Suares tishlab bo‘lgandan so‘ng, tishi og‘rigan shekilli, Kellini yelkasini ushlab turgan vaziyatda, u tishlarini tekshirish bilan band edi.
Yana bir suratda Kellini yelkasini ochib ko‘rsatayotgani tasvirlangan. Himoyachining yelkasida Suaresning tishlari izini ko‘rsa bo‘ladi.
Nihoyat Luis Suares uchun atalgan hazil “menyu”ni e’tiboringizga havola qilamiz. Hazilkash muxlislar Luis Suares uchun futbolchilardan iborat “menyu” tuzib chiqishdi. Unda futbolchilarning nomlari taom nomlari bilan uyg‘unlashtirilgan va ramziy narx qo‘yib chiqilgan.
Izoh (0)