Jahon chempionati, guruh bosqichi, “A” guruhida Xorvatiya terma jamoasi Meksikaga imkoniyatni boy berdi va musobaqa bilan xayrlashdi. Bu haqda Uff.uz xabar berdi.
Ravshan Ermatov hakamligi ostida kechgan Xorvatiya va Meksika terma jamoalari o‘rtasidagi uchrashuv kutilmagan holatlardan xoli bo‘lmadi. Jamoalar to 72-daqiqaga qadar gol ura olmadilar. Aynan mana shu daqiqada Markes hisobni ochgan bo‘lsa, oradan uch daqiqa o‘tib, Guardado Meksikaning ikkinchi golini kiritdi. Xaver Ernandesning 82-daqiqada kiritgan golidan so‘ng, bu uchrashuvda kim g‘olib bo‘lishiga shubha qolmagandi. Perishichning 87-daqiqada urgan yagona javob goli Xorvatiya terma jamoasi muxlislari uchun ojiz tasalli bo‘ldi xolos.
JCh — 20143-tur, “A” guruhi
Xorvatiya – Meksika 1:3 (0:0, 1:3)Gollar: 0:1 – 72 Markes, 0:2 – 75 Guardado, 0:3 – 82 X. Ernandes, 1:3 – 87 Perishich.Xorvatiya – Pletikosa, Vrsalko (Kovachich, 58), Chorluka, Lovren, Pranich (Yelavich, 74), Modrich, Rakitich, Srna, Perishich, Olich (Rebich, 69), Mandjukich.Meksika – Ochoa, Maca, Markes, Moreno, Agilyar, Layyun, Errera, Guardado (Fabian, 84), Vaskes, Peralta (Penya, 79), dos Santos (X. Ernandes, 62).Ogohlantirishlar: Rakitich (9), Markes (39), Vaskes (66).Chetlatish: Rebich (89).
Izoh (0)