АҚШнинг George Washington атом авиаташувчи кемаси бошқа кемалар кузатувида Гонконгга кириб келди. Бу ҳақда «ИТАР-ТАСС» хабар берди.
АҚШ 7-флоти авиаташувчи ҳужумчи гуруҳининг келиши ҳақида расман хабар берилмаган. АҚШ бош консуллигида ҳам эскадранинг етиб келганига ҳеч қандай изоҳ беришмаган.
Хитойнинг махсус маъмурий ҳудуди бўлмиш Гонконгга Америка ҳарбий кемалари вақти-вақти билан «ташриф буюриб туради». Улар Пекиннинг рухсати билан техник хизмат кўрсатиш ва денгизчиларга дам бериш мақсадида тўхтаб ўтади. Одатда бундай ташриф тўрт кундан узоққа чўзилмайди.
Изоҳ (0)