Hindiston shimolidagi Uttar-Pradesh shtatida Ganga ma’budasiga bag‘ishlangan diniy festival chog‘ida kamida 27 kishi cho‘kib ketdi. Bu haqda hind telekanali xabariga tayanib “RIA Novosti” ma’lum qildi.
Ganga ma’budasi sharafiga o‘tkaziladigan bayram har yili, hinduiylik e’tiqodiga muvofiq , ma’buda yerga tushib daryoga aylangan kuni nishonlanadi. Tantanalar o‘n kun davom etadi. Yuz minglab dindorlar gunohlardan forig‘ bo‘lish uchun muqaddas daryo suviga tushadi.
Politsiya ma’lumotlariga ko‘ra, tantanalar chog‘ida 39 kishining cho‘kkani haqida xabar kelib tushgan. Biroq uch kishi qutqarilgan, yana to‘qqiz kishi bedarak yo‘qolgan deb e’lon qilindi.
Izoh (0)