Hindistonda 24 nafar talaba daryoga oqib ketdi

Hindistonda muhandislik kollejining 24 nafar talabasini Beas daryosida to‘lqin bosib, daryoga oqizib ketdi. Bu haqda The Times of India xabar berdi.

Talabalar Manali shahriga ekskursiya uyushtirish uchun otlangan. Yo‘lda ular qirg‘oq bo‘yida rasmga tushmoqchi bo‘lganlarida, boshlariga to‘lqin yopirilgan.

To‘lqin dambadan suv chiqarilishi natijasida hosil bo‘lgan. Mahalliy hukumat bu haqda hech qanday ogohlantirish bermagan. Qutqaruv operatsiyasiga rafterlar, g‘avvoslar, politsiya va mahalliy aholi ham jalb etildi. Politsiya fikricha, daryodagi muzday suvdan biron kim tirik chiqishi amri mahol. Biroq 18 nafar yigit va olti qizni qidiruv ishlari davom etmoqda.