Pokistondagi Karachi xalqaro aeroportiga jangarilar hujum qilishi natijasida kamida 23 kishi halok bo‘ldi, deya xabar berdi CNN.
Qurbonlar orasida aeroport xavfsizlik kuchlarining 8 xodimi, Pakistan International Airlines’ning ikki ishchisi va bir reynjer bor. Hujum chog‘ida, shuningdek o‘n jangari ham o‘ldirilgan. Hujum qaytarilgan, yo‘q qilingan terrochilardan qurol-yarog‘ va granatomyotlar olib qo‘yilgan.
9-iyunga o‘tar kechasi qurollangan jangarilar “Jinna” xalqaro aeroportining ikkita terminaliga hujum uyushtirgan. Ular binoga qo‘l granatalari irg‘itishgan va o‘q otuvchi qurollardan o‘t ochishgan. Hujumchilar orasida xudkushlar ham bo‘lib, ular o‘zlarini portlatgan.
Hujum uchta samolyotga ham ziyon yetkazgan. “Jinna” ishlashdan to‘xtadi, xodimlar va soqchilarni zudlik bilan evakuatsiya qilishdi. Ba’zi yo‘lovchilar uchib kelish zalida qamalib qolishdi.
Izoh (0)