KXDR josuslik uchun butun umrga surgun qilingan janubiy koreyalik din targ‘ibotchisi Kim Chen Ukni ozod etishi va vataniga qaytarishi kerak. Koreya Respublikasi birlashuv vazirligi ana shunday bayonot bilan chiqdi. Bu haqda “ITAR-TASS” xabar berdi.
Vazirlik Shimoliy Koreyaning ushbu xatti-harakati xalqaro huquq va insonparvarlik tamoyillarini ochiqdan-ochiq buzish ekanini ta’kidladi.
31-may kuni KXDR Oliy sudi din targ‘ibotchisini “josuslik, davlatga qarchi qo‘poruvchilik faoliyati va davlat tuzumini ag‘darishga urinish” kabi og‘ir jinoyatlarda aybladi. Bular uchun Kim Chen Uk o‘lim jazosiga hukm qilinishi talab etiladi, biroq u o‘z aybini tan olgani uchun bir umrlik surgunga mahkum etildi.
KXDR hukumati talqinicha, Janubiy Koreya razvedkasi agenti dushmanlarcha xatti-harakatlarni amalga oshirish uchun maxfiy ravishda Pxenyanga kelgan. U poytaxtda noqonuniy faoliyat yuritadigan cherkovlar tarmog‘ini tuzib, u orqali mamlakatdagi ichki vaziyat haqida axborot yig‘moqchi bo‘lgan.
Izoh (0)