Pokistonda toshbo‘ron qilingan Farzona ismli ayolning eri Muhammad Iqbol, agarda rafiqasining o‘limida aybdor bo‘lganlar jazolanmasa, o‘z joniga qasd qilish bilan tahdid qildi. Bu haqda Euronews xabar berdi.
2009-yilda birinchi xotinini o‘ldirganlikda ayblanib hibsga olingan chog‘ida u shunday bayonot bergan. “Agar qotillar xotinim va tug‘ilmagan farzandimning o‘limi uchun javob berishmasa, ular o‘ldirilgan joyda o‘zimni yoqib yuboraman”, — degan u. Qarindoshlari uning gunohidan o‘tishgach, jinoyat ishi yopilgan.
Pokiston politsiyasi Farzonaning otasini qo‘lga olishdi. U qilgan ishidan afsusda emasligini bildirdi.
Avvalroq homilador yosh ayol sevib turmushga chiqqani uchun qarindoshlari tomonidan toshbo‘ron qilib o‘ldirilgan edi.
Pokiston bosh vaziri Navaz Sharif politsiyaning bu ishga nima uchun zudlik bilan aralashmaganiga oydinlik kiritilishini talab qilmoqda. Ta’kidlash joiz, jinoyat Laxordagi sud binosi yaqinida sodir bo‘lgan.
Inson huquqlari bo‘yicha Pokiston komissiyasi ma’lumotlariga ko‘ra, o‘tgan yili ayollarning bunday ko‘rinishda jazolanish hollari 869 tani tashkil etgan. Ko‘pchilik pokistonliklarning fikricha, ayol kishi mustaqil ravishda er tanlash huquqiga ega emas.
Izoh (0)