2011-yilda efirga uzatila boshlagan “Muhtasham yuz yil” serialini oddiy tomoshabinlardan tortib Turkiya rahbarigacha tanqid qilgan. Biroq ushbu loyiha turk kinosanoatining eng muvaffaqiyatli ijod mahsuli sifatida tarixga muhrlangan.
Serialning mashhurligi pasayganiga qaramay, muxlislar hali ham u haqdagi qiziqarli faktlarni topmoqda.
Maʼlum bo‘lishicha, serial Erdog‘on tomonidan ham tanqidga uchragan, mamlakatning hozirgi rahbari serialni sultonning spirtli ichimliklar ichishi hamda ayollarga “suyagi yo‘qligi” uchun tanqid qilgan. Bundan tashqari, tomoshabinlar ham ko‘p salbiy fikrlar bildirishgan — turli ommaviy axborot vositalariga serialga qarshi 70 000 taga yaqin shikoyat kelib tushgan. Murojaatchilar serialda tarixiy faktlar buzib ko‘rsatilgan deb hisoblashgan.
Yana bir qiziq fakt shundaki, faqat 4 nafar aktyor serialning barcha qismlarida rol o‘ynagan. Ularning umumiy soni 139 ta edi. Ular sulton Sulaymon, haram og‘asi Sumbul, Mohidavron Sulton va Gulfem xotun rollarini o‘ynagan aktyorlar edi.
Eng qizig‘i — aktyorlarning ish haqi haqida maʼlumoti bo‘lib, Halit Ergench (sulton Sulaymon) har bir qism uchun 30 000 dollar, Nur Fettahog‘lu (Mohidavron Sulton) esa har bir qism uchun 14 000 dollardan olgan.
Izoh (0)