Ayrim turk aktyorlari orasida o‘zlarining g‘alati talablari bilan e’tiborga tushganlari ham bor. Ular bakteriyalardan qo‘rqadi, yuzlariga tegishga ruxsat bermaydi, har bir epizod uchun katta mablag‘ talab qiladi. Quyida turk seriallari yulduzlarining aqlbovar qilmaydigan takliflari haqida ma’lumot beriladi.
Halit Ergench
Halit Ergench kelishgan, ko‘zlari och kulrang turk aktyori. “Muhtasham yuz yil”ning 1-qismi chiqqandan so‘ng, muxlislar Xalitni ko‘chada ko‘rib qolsa, taniy boshladi. Biroq aktyor ushbu loyihada suratga tushishdan oldin ham bir nechta film, seriallarda suratga tushgan edi va shuningdek bir qancha talablarga ega bo‘lgan munosib shaxs sifatida tanilgandi. “Muhtasham yuz yil” serialining suratga olish maydonchasida Halit o‘zining haqiqiy yuzini ko‘rsatdi. U to‘satdan serial ijodkorlaridan katta mablag‘ni: bitta qism uchun 18 000 dollar talab qildi. Prodyuserlar aktyorga so‘ragan mablag‘ini berishga majbur bo‘ldi, chunki usiz serialning qizig‘i qolmagan bo‘lardi.
Bundan tashqari Halit shu qadar takabbur bo‘lib qoldiki, u ssenariyga aralashishni o‘z huquqi deb bildi. Serialdagi rollardan birini rafiqasi Berguzar Korelga berishni talab qildi. Prodyuserlar yana aktyorning talablarini bajardi, shundan keyin Berguzar loyihada Monika Gritti rolini ijro etdi.
Meryem Uzerli
“Muhtasham yuz yil” serialining yana bir yulduzi Meryem Uzerli muntazam ravishda qomatini kuzatib boradi. Suratga olish jarayonlari aktrisaning barcha vaqtini olganligi va sport uchun yetarli vaqt bo‘lmaganligi sababli, u to‘g‘ridan to‘g‘ri suratga olish maydonchasiga yugurish yo‘lakchasini o‘rnatishni talab qildi.
Yomon tomoni shundaki, ba’zida Meryem kadrda ishlashi kerak bo‘lgan paytda mashq qilgan. Butun suratga olish guruhi aktrisaning sport bilan shug‘ullanishini va ishga kirishishini kutgan.
Kivanch Tatlitug‘
Kivanch Tatlitug‘ butun dunyoni pandemiya qamrab olganidan qattiq qo‘rqdi. U har kuni virusga tekshirilishini talab qildi, biroq bu unga yetarli emasdek tuyuldi. Keyin aktyor 30 000 dollarga shaxsiy avtouy sotib oldi va undan foydalanishga ruxsat berilmaguncha “Suv osti kemasi hikoyasi” filmida suratga tushishdan bosh tortdi.
Aktyorning shaxsan o‘zi avtouy har kuni dezinfeksiya qilinishini va begonalar unga kirmasligini tekshirgan. Aytishlaricha, Kivanch faqat unda o‘zini xotirjam his qilgan.
Fahriye Evjen
“Choliqushi” seriali yulduzi Fahriye Evjen suratga olish maydonchasidagi vizajistlar bilan kelisha olmadi. Buning sababi, aktrisa ularning ishlash usulini yoqtirmasdi. Fahriye ikki soat davomida suratga olish maydonchasida uni bo‘yantirgan vizajistlar bilan urushib qolgan va makiyajni o‘chirib o‘zi bo‘yana boshlagan.
Natijada suratga olish jarayoni vaqt jihatidan juda sekin kechdi, hamma asabiy va xavotirda edi. Fahriye esa uning go‘zal yuziga boshqa hech kim tegishi mumkin emasligini aytdi.
Izoh (0)