Jizzaxdagi bozor yaqinida ikki qavatli choyxona yonib ketdi (video)
Jizzaxdagi bozor yaqinida ikki qavatli choyxona yonib ketdi. Bu haqda FVV xabar berdi.
Kadr: Telegram
Ma’lum qilinishicha, Jizzax shahar, “Xalqobod” MFYda joylashgan bozor yaqinidagi choyxonada yong‘in sodir bo‘lgani to‘g‘risida FVBga xabar tushgan. Shunga ko‘ra 2 ta yong‘in-qutqaruv ekipaji yong‘in joyiga yetib borgan.
Ayrim ijtimoiy tarmoqlarda Jizzax shahridagi bozorda yong‘in sodir bo‘layotgani to‘g‘risida noto‘g‘ri xabarlar tarqalmoqda. Aslida yong‘in bozor yaqinidagi oshxonada ro‘y bergan.
Yong‘in soat 14:50 da o‘chirildi.
So‘nggi vaqtlarda sodir bo‘lgan yong‘inlar
2024-yilning 13-oktyabr kuni Yunusobodda yangi qurilayotgan binoning tomi yonib ketgandi. 16-oktyabrda esa Mirobod tumanida joylashgan “Miran” mehmonxonasining qurilishi davom etayotgan eski binosida yong‘in chiqdi.
Shuningdek, 20-oktyabr kuni soat 16:54 da Shayxontohur tumanidagi Bildirish tor ko‘chasida joylashgan xonadonlarda yong‘in sodir bo‘ldi.
Bundan tashqari, Olmazor tumani “Chinobod” MFY, Sag‘bon 30-berk ko‘chasida joylashgan 5-uydagi xonadonlarning birida 31-oktyabr kuni soat 02:13 da yong‘in sodir bo‘ldi.
20-noyabr kuni Toshkent shahar Mirzo Ulug‘bek tumani, “Lashkarboshi” MFY Niyozbek yo‘li ko‘chasida joylashgan umumiy ovqatlanish joyining dudburonida yong‘in sodir bo‘ldi.
31-dekabr kuni Chilonzor tumanidagi ovqat tayyorlash joyida yong‘in sodir bo‘lgan edi.
2025-yil 25-fevral kuni Toshkent shahrining Yashnobod tumani, Aviasozlar 4-dahasida joylashgan avtomobillar yuvish joyida yong‘in sodir bo‘lgandi.
Izoh (0)