Toshkentning Mirobod tumani, Turkiston ko‘chasidagi vagon ta’mirlash deposida yong‘in sodir bo‘ldi.
Poytaxt FVB matbuot xizmatining ma’lum qilishicha, hodisa haqida 15-may kuni soat 23:58 da xabar kelib tushgan. Shunga ko‘ra yong‘in-qutqaruv ekipajlari soat 00:03 da yetib borgan. Yong‘in 01:31 da qurshab olingan va soat 02:48 da o‘chirilgan.
Hodisa oqibatida tan jarohati olgan fuqarolar haqida xabar kelib tushmagan.
Hozirda qariyb 3 soat davomida o‘chirilgan yirik yong‘in sababi va keltirilgan moddiy zarar miqdori aniqlanmoqda.
Toshkentda so‘nggi kunlarda yong‘inlar soni oshdi. 14-may kuni Sergeli tumani Nilufar ko‘chasida joylashganomborda yirik yong‘in sodir bo‘ldi. Yong‘inni bartaraf etish ishlariga 12 ta asosiy, 6 ta maxsus va 6 ta suv tashuvchi yong‘in o‘chirish texnikasi jalb qilingan. Omborda spirtli mahsulotlar, turli xil materiallar, chetdan olib kelingan tovarlar hamda tibbiyotga oid vositalar saqlangan.
Izoh (0)