Xizmat videokameralardan olingan maʼlumotlarni tahlil qilishni avtomatlashtirish uchun mo‘ljallangan. Videotahlil mahsulotlarning namoyish qilinishini yaxshilashga, mijozlarga xizmat ko‘rsatishni optimallashtirishga va xavfsizlik masalalarida inson omilini bartaraf etishga yordam beradi.
VEON AdTech kompaniyasining videotahlil xizmati bo‘yicha biznesni rivojlantirish masalalari menejeri Dmitriy Kudryashov ushbu yondashuv haqida batafsil maʼlumot berdi.
Videotahlil va videokuzatuv o‘rtasidagi farq nimada?
Videokuzatuv operator nazorati va sodir bo‘layotgan voqealarni kuzatishni o‘z ichiga olsa, videotahlil esa neyron tarmoqlardan foydalangan holda videokameralardan olingan maʼlumotlarni aniqlaydigan mashina maʼlumotlariga (machine-learning) asoslangan dasturiy taʼminot algoritmlaridir. Bungacha barcha mijozlar sohada faqat operator, videokamera va ekran bo‘lishiga odatlanib qolishgan edi. Agar operator charchagan bo‘lsa, uxlab qolsa yoki boshqa narsalarga chalg‘ib qolsa, unda kamera suratga olgan hodisani operator payqamaydi. Videotahlil aynan ushbu holatlarni bartaraf etish uchun mo‘ljallangan, chunki u 24/7 rejimda ishlaydi, kamera suratga olgan barcha maʼlumotlarni oladi va xavfsizlik xizmatini darhol ogohlantiradi. Masalan, yong‘in aniqlanganda, tizim Telegram, elektron pochta yoki platformaning o‘zida xabarnoma yuboradi.
Sizga videotahlil tizimi qanday afzalliklarni beradi?
Birinchidan, u sharoitga moslashtirilgan va ko‘plab zamonaviy kameralar bilan ishlay oladi, bu esa mavjud uskunalardan foydalanishga imkon beradi.
Ikkinchidan, biz bu xizmat orqali tizim integratsiyasini tanlashda moslashuvchanlikni taklif qilamiz: mijozning shaxsiy serverlaridan to bulutli yechimlargacha. Agar mijozning o‘z serverlari va maʼlumotlarni saqlash imkoni bo‘lsa, biz tizimni ularga biriktirib, ulab beramiz. Agar mijozda bunday imkoniyatlar bo‘lmasa, biz masalani hal qilish uchun bulutli yechim ham taklif qilamiz. Tanlangan yechimdan qatʼi nazar, barcha maʼlumotlarning maxfiy qolishi taʼminlanadi. Ushbu maʼlumotlar tashkilotdan tashqariga chiqmaydi va faqat mijoz tizimni o‘rnatganidan so‘nggina uni olish huquqiga ega bo‘ladi.
Uchinchidan, tizimni deyarli barcha sohalarda qo‘llash mumkin: chakana savdo, FMCG, sanoat, xavfsiz shahar va boshqalar. Chunki, har bir biznes tarmog‘ida videotahlil yordam beradigan masala va muammolarni uchratish mumkin.
Va to‘rtinchidan, tizim inson omilini bartaraf etadi. Bu daromaddagi yo‘qotishlar kamayishi, xavfsizlik oshishi va inson tomonidan bo‘ladigan emotsional taʼsirlar yo‘q bo‘lishini anglatadi.
Biznesda videotahlilni qo‘llash bo‘yicha qanday misollarni keltira olasiz?
Videotahlil har qanday sohada foydali bo‘ladi. Chakana savdoda u mahsulotlarni peshtaxtalarda joylashtirishni optimallashtirish, mijozlar xatti-harakatlarini tahlil qilish va talabni prognoz qilish uchun ishlatilishi mumkin. Sanoatda videotahlil ishlab chiqarish jarayonlarini kuzatish, tayyor mahsulotlarni hisoblash va o‘g‘irliklarning oldini olish uchun ishlatiladi. Bundan tashqari, undan logistika jarayonlarini nazorat qilish, masalan, omborlarda transport vositalarini kuzatish uchun ham foydalanish mumkin. Videotahlil shahar muhitida xavfsizlikni taʼminlash uchun ham qo‘llaniladi. Masalan, jamoat transportida chiptasiz yuruvchilarni nazorat qilish yoki ko‘chalarda shubhali xatti-harakatlarni aniqlaydi. Bundan tashqari, banklar va davlat idoralarida ham xizmatlarni yaxshilash uchun samarali vosita hisoblanadi.
Videotahlil muvaffaqiyatli qo‘llanilgan aniq misolni keltira olasizmi?
Albatta. Masalan, bizning jamoa Beeline Uzbekistan bosh savdo ofisida videotahlil tizimini o‘rnatish bo‘yicha loyihani ishga tushirdi. O‘rnatilgan kameralar va serverdan foydalanib, jamoamiz platformani joylashtirdi va neyron xizmatlarini sozlab berdi. Ular operatorlarning xizmat sifatini kuzatib boradi, tashrif buyuruvchilarning bino ichidagi to‘planish joylarini va sonini tahlil qiladi.
Videotahlil ko‘proq savdo uchunmi yoki xavfsizlik uchunmi?
Avvalo, ushbu tizim tahlil qilish vositasidir. U odamlar oqimini kuzatish, ishlab chiqarish va logistika xavfsizligini taʼminlash uchun qo‘llaniladi. Biz muayyan odamlar haqida maʼlumot to‘plamaymiz va shaxsiy maʼlumotlar bazasini shakllantirmaymiz. Barcha videomaʼlumotlar maxfiy va anonim tarzda qoladi. Bu yerda savdo masalasi tahlilning o‘ziga emas, balki uning qo‘llanilishiga oid quyidagilarga taalluqlidir: olingan maʼlumotlardan grafiklar, jadvallar tuzish, ish jarayonini optimallashtirish va boshqa vazifalar uchun.
Texnologiya qanchalik aniq va u inson bajaradigan funksiyalarning qay birini o‘rnini bosa oladi?
Texnologiya deyarli xatosiz ishlaydi. Misol uchun, 90% dan ortiq hollarda tizim hissiyotlarni to‘g‘ri aniqlay oladi. Yuzni tanish - 99%. Aksariyat hollarda xatolar kamera tasvirining sifati, uning rakursi va baland o‘rnatilganligi tufayli yuzaga keladi.
Videotahlil ijodiy fikrlash, empatiya va insonga xos hissiy qarorlar qabul qilish o‘rnini bosa olmaydi. Ammo odatiy vazifalarni avtomatlashtirish vositasi sifatida u bemalol ishlaydi. Misol uchun, u qorong‘uda voqealarni kuzatishi va favqulodda xizmatlarga signal yuborishi mumkin. Bu binoga begonalarning kirishi, binodagi tutash va shu kabi holatlarni oldini olish uchun ombor maydonlarini kuzatishda juda foydalidir. Bundan tashqari, tizimda insonlarning oq va qora ro‘yxatini yaratish mumkin. Agar qora ro‘yxatdagi biror shaxs videokuzatuv hududida kirsa, u xonada shubhali shaxs borligi haqida signal yuboradi. Masalan, do'kon o‘g‘rilari. Aksincha, oq ro‘yxatda — har doim ham ularni olomon ichida tanib bo‘lmaydigan nozik mehmonlar, inflyuyenserlar bo‘lishi mumkin. Lekin. Bunday holatda esa ushbu tizim ancha asqatadi.
Videotahlil tizimini o‘rnatish uchun qanday texnik talablar mavjud?
Unchalik ko‘p emas. Biz tizimni serverga ulanish imkoniyatiga ega har qanday zamonaviy IP kameralarga integratsiyalashimiz mumkin. Tizim optimal ishlashi uchun kamida 1080p piksellar soniga ega kameralardan foydalanish va videomaʼlumotlarni saqlash uchun yetarli joy ajratish kifoya. Shuningdek, biz kameralarni joylashtirish va o‘rnatishning boshqa jihatlari bo‘yicha tavsiyalar berib boramiz.
Kimning uskunasidan foydalaniladi?
Ishlab chiqarilgan mamlakat unchalik muhim emas, chunki biz mijoz tomonidan o‘rnatilgan kameralardan foydalanishimiz mumkin. Bu jarayonda biz o‘z dasturiy taʼminotimizni o‘rnatamiz.
Ushbu tizim qanchalik moslashuvchan va yangilanishi oson?
Biz odamlarni sonini hisoblash yoki yuzni tanish kabi vazifalar uchun modullarni ishlab chiqqanmiz. Biroq, agar boshqa obyektlar (sanoat mahsulotlari, avtomobil davlat raqamlari va boshqalar) monitoringi talab etilsa, biz mijoz tomonidan taqdim etilgan maʼlumotlar asosida tizimimizga yangicha imkoniyatlar qo‘shamiz. Bu fotosuratlar yoki videolar bo‘lishi mumkin. Ular asosida tizim buni o‘rganadi va belgilangan barcha vazifalarni bajaradi.
Bu bir martalik xizmatmi yoki uzoq muddatlimi?
Bizda 2 ta model mavjud.
- 12 oylik obuna. Bu model ichida texnik xizmat ko‘rsatish va dasturiy taʼminotni o‘z vaqtida yangilab borish xizmati mavjud.
- Analitik modullar va dasturiy taʼminot uchun litsenziyani bir martalik xarid qilish. Bu model ichiga mutaxassis yordami ham kiritilgan, ammo uning amal qilish muddati chegaralangan.
Ikkala holatda ham o‘rnatilgan videotahlil platformasidagi qo‘shimcha sozlash ishlari sodda va tezroq kechadi. To‘lov turidan qatʼi nazar, VEON AdTech mutaxassislari har doim maslahat va boshqa yechimlarni berishga tayyor.
VEON AdTech’ning videotahlil xizmatining ishga tushirilishi biznes va xavfsizlik uchun yangi istiqbollarni ochadi. Ushbu innovatsion xizmat mijozlarga noyob imkoniyatlarni taqdim etadi. Hozirgi kunda videotahlil xizmatidan aql bilan va kreativ tarzda foydalanish biznes uchun yangi imkoniyatlar taqdim etadi. Bu jarayonda kompaniyaning tajribali xodimlari yordamga shay.
Birgalikda biz texnologiya va inson potensiali bir butunlikka aylangan zamonaviy dunyoning eng yaxshi jihatlarini o‘zida mujassamlashtirgan yanada samarali va xavfsiz kelajak sari qadam qo‘yamiz.
Xizmat haqida qo‘shimcha maʼlumot olish uchun: +998 91 002 04 20
Kompaniya haqida
VEON AdTech — digital va performance marketing hamda zamanaviy reklama texnologiyalarini, jumladan, o‘zining dasturiy platformalarini rivojlantirib boruvchi VEON kompaniyalar tarmog‘ining bir qismi hisoblanadi.
Kompaniya o‘z ish faoliyatida Big Data, sunʼiy intellekt va machine-learning texnologiyalaridan foydalanadi. VEON AdTech yuqori aniqlikdagi targeting xizmatlari, bozor ehtiyojlarini o‘rganish va do‘konlardagi mijozlar faolligini yoki tanlangan hududlardagi trafikni tahlil qilish xizmatlarini taklif qiladi. Raqamli marketing xizmatlari har qanday masshtabdagi bizneslarga, shuningdek, davlat sektoriga ham mo‘ljallangan.
Facebook: fb.com/VEON.AdTech
Telegram: t.me/VeonAdTech
Twitter: twitter.com/VEON_AdTech
LinkedIn: linkedin.com/company/veon-adtech
Reklama huquqi asosida.
Izoh (0)