Tanlov 25-fevral kuni boshlangan bo‘lib, unda 12 yoshdan 20 yoshgacha bo‘lgan 133 ta maktab o‘quvchilari va talabalar jamoasi maishiy va ijtimoiy muammolarni hal qilishga yordam beradigan 150 dan ortiq muhandislik ishlanmalarini taqdim etdi. Finalga 28 ta jamoa chiqdi.
— Insoniyat tarixidagi barcha muhim yutuqlarni bizning tanlov ishtirokchilarimiz kabi yosh ixtirochilar amalga oshirgan. Bu ixtirolarning asosiy drayveri har doim qiziquvchanlikdir. Men sizga qiziquvchan bo‘lib qolishingizni va O‘zbekistonni oldinga siljitishingizni tilayman, — dedi tadbirda Ruslan Namazov, Uzum E-com CTO/CPO.
— Bunday tashabbuslar shunchaki tanlov emas, balki mamlakatimiz muhandislik va kosmik sanoati kelajagi uchun sarmoyadir. Biz iste’dodlar o‘z g‘oyalarini amalga oshirish imkoniyatiga ega bo‘ladigan, biznes va ilm-fan esa yangi yetakchilarga ega bo‘ladigan ekotizim yaratmoqdamiz! Muhandislik tafakkurini rivojlantirish va yoshlarni qo‘llab-quvvatlashga qo‘shgan hissasi uchun barcha ishtirokchilarga, ustozlarga, universitetlar va hamkorlarga katta minnatdorchilik bildiraman, — dedi Agentlik direktori Shuhrat Qodirov.
G‘oliblar:
1-o‘rin: Abubakr Rafukjonov, "Iqro academy" xususiy maktabining 6-sinf o‘quvchisi (Andijon). U matematika o‘qitish uchun robot-o‘qituvchi yig‘di.
2-o‘rin: Islomjon To‘laxo‘jayev, Toshkent viloyati Parkent tumanidagi 11-umumta’lim maktabi o‘quvchisi. Uning robot-o‘t o‘chiruvchisining maqsadi yong‘in sodir bo‘lganda keksalarga, kasallarga va binolarda yolg‘iz qolganlarga yordam berishdir.
3-o‘rin: Aleksey Kremer va Sofiya G‘aniyeva, Sehriyo xususiy maktabi ta’limoti (Toshkent). Loyihaning nomi BioAI — sun’iy intellektdan foydalangan holda sog‘liqni muxofaza qilish uchun yordamchi.
"Eng kreativ loyiha" nominatsiyasida bosh sovrin quyidagi loyihalarga berildi:
"Millat umidi" xususiy maktabi o‘quvchisi Javdat Xudanov (Toshkent) Smart house va Sehriyo xususiy maktabi (Toshkent) o‘quvchisi Amir Soipov tomonidan yaratilgan orbitani kosmik chiqindilardan tozalash uchun Orbit clear.
Ular Yevropadagi eng yirik va dunyoning TOP-5 kosmik markazlari qatoriga kiruvchi Guhem xalqaro kosmik markaziga yo‘llanmani qo‘lga kiritdi.
Sheriklik huquqi asosida.
Izoh (0)