Turkiyalik aktyor Kerem Bursin Gollivud kinolarida rol ijro etishi mumkin. “Qalbim eshigini qoq” seriali yulduzi may oyining boshida yangi shartnomalar bilan tanishish maqsadida yashirincha Los Anjelesga jo‘nab ketdi. Bu haqda turkiyalik jurnalist Mehmet Yustyundag xabar berdi.
Ma’lum bo‘lishicha, aktyor AQSHga oilasini ziyorat qilish uchun emas, balki ikki prodyuser hamda o‘z vakillari bilan uchrashish uchun borgan. Unga bir nechta shartnomalar taklif qilingan, ulardan biri test rejimida suratga olish ishlarini ham o‘z ichiga oladi.
Eslatib o‘tamiz, Kerem Bursin faoliyatining dastlabki yillarida ham Gollivudda ishlashni orzu qilgan. U Turkiyada mashhurlikka erishishidan avval AQSHda bir nechta filmlarda (byudjeti kam bo‘lgan) suratga tushgan. Bugungi kunga kelib esa xorijda ham taniqli aktyorga aylangan. Uning “Moviy g‘or” nomli filmi uzoq vaqt davomida eng ko‘p muhokama qilingan turk loyihalaridan biri bo‘lib qolgan.
Agar yangi loyihalar muvaffaqiyatli kechsa, Bursin yaqin kelajakda Gollivudning yetakchi aktyorlari bilan bir ekranda namoyon bo‘lishi mumkin.
Ma’lumot uchun, Shotlandiya, Malayziya, AQSHda yashab, Amerikada aktyorlik faoliyatini boshlagan Kerem Bursin “Quyoshni kutish” serialida rol o‘ynab, Turkiyada mashhurlikka erishdi. Shundan so‘ng Kerem 17 ta loyihada suratga tushdi. Uning ishtirokidagi “Qalbim eshigini qoq” seriali aktyorning dunyo bo‘ylab mashhurlikka erishishiga sabab bo‘ldi. Hozirda reklama shartnomalaridan Turkiyada eng katta daromad oladigan aktyor Gupse Ozay bilan birgalikda “Platonik sevgi” seriali ustida ishlab kelmoqda.
Izoh (0)