Turk seriallari nafaqat syujeti va aktyorlar mahorati bilan, balki yurakka yetib boradigan musiqalari bilan ham tomoshabinlar qalbidan joy olgan. Quyida barchaga tanish bo‘lgan eng mashhur 8 ta turk seriallarda yangragan qo‘shiqlarni esga olamiz, ularni tinglashingiz bilan darhol ekrandagi unutilmas sahnalar ko‘z oldingizda jonlanadi.
Tarkan — “Pare Pare” (“Quyoshni kutib” serialidan)
Tarkanning barcha qo‘shiqlari bolaligimizni eslatadi, chunki xonanda butun dunyoga mashhur, ilk marta turk tilida kuylagan qo‘shiqchi bo‘lgan. Uning o‘ziga xos ovozi va musiqasi, ayniqsa, aktyor Kerem Bursin ishtirok etgan “Quyoshni kutib” serialidagi kadrlarda yangraganda, ko‘plab xotira va hissiyotlarni yodga soladi.
Yeniden Bashlar — “Guldiyar Tanridag‘li” (“Qo‘rg‘on sirlari” serialidan)
Mazkur trek serialning eng g‘amgin qismlarida yangraydi. Seyran va Ferit o‘rtasidagi har bir janjal, ularning har bir ajralishi va yurakka og‘ir botgan so‘zlari aynan shu musiqa fonida tasvirlanadi.
Atakan Ilgazdag‘ — “Anka Kushu” (“Olis shahar” serialidan)
“Olis shahar” serialining reytingi pasaysa ham yetakchilikni boshqa loyihaga bo‘shatib bermagani taajjublanarli emas. Qudratli urug‘ va boshqa dunyoga mansub ayol haqidagi an’anaviy turk hikoyasi oddiy bo‘lib tuyulishi mumkin, biroq Madridan va Midyat shaharlarining maftunkorligi, ajoyib tarzda tanlangan aktyorlar o‘z ishini a’lo darajada bajardi. Serialdagi har bir kuy shu qadar mahorat bilan tanlanganki, tomoshabinlar haqiqatan ham voqealarni qahramonlar bilan birga yashay boshlaydi, loyiha musiqasini turk kompozitori Atakan Ilgazdag‘ bastalagan.
Ece O‘lcher va Serkan O‘ljer — “Kavga Dovush (“Qizil sharbat” serialidan)
Yana bir ajoyib qo‘shiq 2022-yildan boshlab barcha turk seriallari muxlislariga tanish bo‘lib qolgan. Bu musiqa “Qizil sharbat” seriali uchun kompozitorlar Eje va Serkan O‘ljer tomonidan yozilgan bo‘lib, qalbni ta’sirlantiradi. Aynan shu musiqa ostida bosh qahramon birinchi mavsum oxirida, Fatihning xiyonatini isbotlovchi dalillarni taqdim etadi. Shu musiqa ostida esa Nursema birinchi nikohidan keyin nimalar ro‘y berganini aytib beradi.
Tolan Shou — “Gold” (“Qalbim eshigini qoq” serialidan)
Muhabbat haqida ta’sirli va juda romantik qo‘shiq Serkan va Edaning sevgi hikoyasiga aylangan. Uning muallifi turk emas, amerikalik Tolan Shoudir.
Belki — “Dedubluman” (“Sevgi iztirobi”, “Qo‘rg‘on sirlari”, “Olis shahar”, “Qizil sharbat” va boshqalar)
Ushbu qo‘shiqni turk seriallari olamida eng taniqli qo‘shiq deyish mumkin, chunki u deyarli har bir serialda yangraydi — trekda yolg‘on tufayli poymol bo‘lgan muhabbat haqida kuylanadi. Agar bosh qahramonlardan biri xato qilsa, ikkinchi kishining dramatik tarzda ketishi odatda “Dedubluman” kompozitsiyasi bilan birga namoyish etiladi.
Nil Karaibrahimgil — “Kanatlarim Var Ruhumda” (“Oqim” va boshqa seriallardan)
Bu qo‘shiq ham turk seriallarida tez-tez foydalanila. Qo‘shiq birinchi marta 2014-yilda “Eylulning kichik muammosi” filmida yangragan, unda bosh rollarni Engin Akyurek va Farah Zeynep Abdullah ijro etgan. Keyinchalik trek Seranay Sarikaya va Chag‘atay Ulusoy ishtirokidagi “Oqim” serialida kuylangan.
Jem O‘get — “Erkenji Kush Jenerik So‘zlu” (“To‘rg‘ay” serialidan)
Yozgi kompozitsiya Jem O‘get tomonidan maxsus “To‘rg‘ay” loyihasi uchun bastalangan. Biroz vaqt o‘tgach esa ushbu musiqa “Fi, Chi, Pi”, “Bevafo” va “Oroldagi ertak” kabi loyihalar bezagiga aylandi.
Izoh (0)