Kerem Bursin BMW kompaniyasiga tegishli mashina reklamasi uchun 17 million turk lirasi yoki 540 ming dollar daromad olgan. Tahlilchilar bunday yuqori gonorar Turkiya davlatida mutlaq rekord deb atagan. Hozirda u internetdagi eng mashhur turk aktyori sifatida faoliyat olib bormoqda.
2023-yilda Kerem Turkish Airlines kompaniyasi reklamasida ham suratga tushgan, ammo reklamada tushish haqi ochiqlanmagan.
Joriy yilda aktyor yirik maishiy texnika ishlab chiqaruvchi nemis kompaniyasi Bosch bilan hamkorlik bitimini imzoladi. Yaqin kunlarda uning ilk reklama roligi namoyish etilishi kutilmoqda. Ushbu reklama uchun Kerem Bursin 12 million lira (380 ming dollar) haq olgan.
Reklama orqali yaxshi daromad to‘plagan aktyorlar reytingida Burak O‘zchivit ikkinchi o‘rinni egalladi. Aktyorning Instagram sahifasini 24 milliondan ortiq obunachilar kuzatib boradi va kichik storis yoki reels orqali Burak 90 ming dollar (!) daromad oladi.
Turk aktrisalaridan reklama orqali eng katta daromadga chiqqan san’at vakili — Bu Hande Erchel bo‘ladi. Instagramda uning 30 milliondan ortiq folloverlari bor. Aktrisaning bir dona reklama post narxi 20 ming dollardan boshlanadi. To‘g‘ri, uning daromadi Kerem va Burakniki kabi o‘ta yuqori bo‘lmasa-da, ayol san‘atkorlar orasida reklama orqali eng yuqori daromad oladigan aktrisa hisoblanadi.
Masalan, Maryam Uzerli bitta reklama posti uchun 17 ming dollar oladi.
Burak O‘zchivitning rafiqasi Faxriye Evjenning reklama narxi esa 15 ming dollarga teng.
Darvoqe, turk aktyorlari orasida ijtimoiy tarmoqda hech qanday reklama bilan sahifaga putur yetkazmaydiganlar ham bor. Bunga Kivanch Tatlitug‘ yorqin misol bo‘la oladi.
Izoh (0)