Миллий Олимпия қўмитасида бугун, 17 февраль куни Ўзбекистон қишки спорт турлари ассоциацияси ва теннис федерацияси навбатдан ташқари сайлов конференциялари бўлиб ўтди. Бу ҳақда МОҚ матбуот хизмати хабар берди.
Тадбирда “Ўзмиллийбанк” АЖ бошқарув раиси Алишер Мирсоатов Ўзбекистон қишки спорт турлари ассоциацияси раҳбари этиб сайланди.
Шунингдек, “Пахтакор” ФК президенти сифатида фаолият юритган мутахассис Ботир Раҳимов Ўзбекистон теннис федерацияси раиси этиб сайланди.
Федерациянинг собиқ раиси А.Мирсоатов қишки спорт турлари ассоциацияси бошқарувига ўтган эди.
Шу билан бирга, конференцияларда ташкилотларнинг янги устави ҳам тасдиқлаб олинди.
Тадбирда иштирок этган расмийлар федерацияларнинг янги раҳбариятини масъулиятли лавозимга сайланишгани билан қутлади. Уларга олдинда турган Милан-Кортина-2026 қишки ва Лос-Анжелес-2028 ёзги Олимпия ўйинларига тайёргарлик юзасидан вазифаларни белгилаб, бу борада ўз тавсияларини берди.
Аввалроқ Божхона қўмитаси раиси Акмалхўжа Мавлонов 17 февраль куни Енгил атлетика федерацияси раиси этиб сайланган эди.
Изоҳ (0)