2019 йилнинг 8 февраль куни, узоқ вақт танаффусдан сўнг афсонавий хоккей гулдурос қарсаклар остида ўзбек спорти аренасига кириб келди. Шу куни Ice City’нинг музли саҳнаси энг жасоратли спорт намоёндалари учун ўзининг қорли бағрини очди.
Юзлаб томошабинлар муҳим бир воқеанинг гувоҳи бўлдилар: Мустақил Ўзбекистон тарихида хоккей бўйича илк чемпионатга старт берилди.
Турнирнинг тантанали очилиш маросимида республика аҳолиси ва меҳмонлари иштирок этишди.
Мухлислар ушбу ҳодисага масъулият билан ёндашган ҳолда ташриф буюришди: аксарият одамлар ўзлари билан мусиқий асбоблар олиб келиб, севимли қўшиқларини жонли ижро этишди.
«Х куни»ни нафақат эсда сақлаб қолишни, балки фотосуратларда ҳам муҳрлашни истаган ҳар бир киши учун Ice City’нинг кириш қисмида фото-ҳудуд ташкил этилди.
Энг содиқ мухлислар учун эса ушбу спорт турига оид махсус буюмлар дўкони фаолият олиб борди. Севимли жамоанинг рамзи туширилган эсдалик совғаларини харид қилган мухлислар «Аквагрим» ҳудудига «тушиб қолишади» ва у ерда ҳар бир киши ўзларининг севимли жамоаларининг рамзини юзларига чизишлари мумкин эди.
Оммавий ахборот воситалари ходимларини учун махсус матбуот-ҳудуди ажратилган бўлиб, журналистлар тадбир иштирокчилари ва ҳамкорлари билан мулоқот қилган ҳолда интервью олишлари мумкин эди.
Миллий Олимпия қўмитаси президенти Умид Аҳмаджонов ўзбек хоккейининг янги даврини бошлаб берди.
МОҚ раҳбари ўзининг нутқида бугунги кунда Ўзбекистон Республикаси Президенти қишки спорт турларини ривожлантиришга катта эътибор бераётганини ва мамлакатимизда хоккейнинг ёрқин келажагига қатъий ишонч билдираётганини таъкидлади.
Очилиш маросимининг ҳаяжонли дақиқаларидан сўнг саҳнада кўргазмали намойишлар бўлиб ўтди, сўнгра барча иштирокчи жамоалар муз майдонига чиқиб келишди. Мунтазам чемпионатнинг илк ўйинида тўртта хоккей жамоалари – «Тошкент» ва «Бинокор», «Ҳумо» ва «Семурғ» жамоалари ғолиблик учун куч синашди. Муз усти иссиқ эди. Трибунадаги атмосфера ҳам бўш келмасди: мухлислар ҳам жон-жаҳди билан ўйинни кузатиб боришарди, ўзларининг севимли жамоаларини баланд овозда ҳайқириқлар ва ғалаба қарсаклари билан қўллаб-қувватладилар.
Ҳаттоки, дастлаб «чиройли ўйин учун» жон куйдиришга келган мухлислар эндиликда ўзларининг севимли жамоаларини танлаган ҳолда, уларни фаол қўллаб-қувватладилар. Бундай қишки ўйинга Тошкент узоқ йиллар давомида гувоҳ бўлмаган эди.
Россиялик таниқли меҳмон, саккиз карра жаҳон чемпиони, афсонавий хоккейчи Сергей Макаров ҳам пойтахт жамоаларининг ўйинини катта қизиқиш билан томоша қилди. Турнир якунига етганидан сўнг эса Сергей ўз таассуротлари билан ўртоқлашди:
- Ўзбекистонда хоккейни қайта тиклаш ҳақидаги янгилик мени жуда хурсанд қилди ва мени очилиш маросимида иштирок этишга таклиф этишганда, мен бундай тарихий воқеанинг гувоҳи бўлишга бажонидил рози бўлдим.
Ўйлашимча, 2019 йилнинг 8 февраль куни мамлакатингизда бу қишки спорт турининг янгидан ташкил топиши тарихга киради. Биз иқлим шароитлари спортнинг ривожига тўсқинлик қила олмайдиган замонавий дунёда яшамоқдамиз. Шу сабабдан яхмалак майдонларни барпо этиб, ушбу спорт турини оммалаштириш ва болалар учун шарт-шароитлар яратиш лозим.
Ўзбекистонда хоккей илдам қадамлар билан ривожланади ва тез орада Ўзбекистоннинг терма жамоалари Олимпия ўйинларига ташриф буюришига ишончим комил ва бутун дунё ўзбекистонлик хоккей юлдузлари номларини ёритади.
Хоккей бўйича Ўзбекистон чемпионатининг илк ўйини «Тошкент» ХЖ «Бунёдкор» жамоасини 5:1 ҳисобида мағлубиятга учратиб, мутлақ ғалабаси билан якун топди.
Иккинчи ўйин ҳам қизғин тарзда бўлиб ўтди ва «Семурғ» жамоаси «Ҳумо» жамоасини 5:4 ҳисобида мағлуб этди.
Ҳакамлик халқаро тоифадаги ҳакамларнинг қатий назорати остида амалга оширилди, шу сабаб ҳам иккала ўйин адолатли ва шаффоф тарзда бўлиб ўтди.
Икки ой давом этадиган чемпионат доирасида жами 24 та учрашувлар ўтказилиши кўзда тутилган бўлиб, сўнгги ўйин 17 март куни ўтказилади.
20 мартдан бошлаб учта ғалабагача ўтказиладиган икки босқичли плай-офф босқичи бошланади. Барча ўйинлар Ўзбекистондаги барча халқаро меъёрларга жавоб берадиган биринчи ва ягона Ice City’нинг музли саҳанасида бўлиб ўтади.
Хулоса ўрнида шуни ишонч билан айтиш мумкинки, ўйин бошланди, аммо бу бошланиши. Ўзбекистон хоккей федерацияси шундай суръатда кетмоқчи ва мазкур спорт тури географиясини кенгайтириш ва пойтахтдан ташқарида чекка ҳудудларда ҳам оммалаштиришни мақсад қилиб олган.
Келажакка назар соладиган бўлсак, Федерациянинг режасида 2020 йилда беш хил тоифадаги жамоалар клуби ўртасида шайбали хоккей бўйича Ўзбекистон чемпионатини ўтказилиши бошланишини сезиш мумкин.
Реклама ҳуқуқи асосида.
Изоҳ (0)