Париж-2024 ўйинларининг халқаро ҳамкори Procter&Gamble Олимпиада ўйинларида Ўзбекистон терма жамоасини қўллаб-қувватлайди, компания Ўзбекистон Республикаси Миллий олимпия қўмитаси (МОҚ) билан шартномалар имзолади. Шунингдек, Париж 2024 ўйинларида Ўзбекистон шарафини ҳимоя қиладиган баъзи спортчилар P&G маркетинг тадбирларида иштирок этади.
Танкут Турнаоглу, P&G компаниясининг Туркиядаги бошқаруви раиси, Кавказ ва Марказий Осиё, шундай деди: “P&Gда биз нафақат сифатли маҳсулотларни ишлаб чиқишга эътибор қаратамиз, шу билан бирга ўсиш ва яхшилик учун куч бўлишга интилувчи таъсирли ижтимоий лойиҳаларимиз орқали одамлар ҳаётини яхшилашга ҳам эътибор қаратамиз.
Жамоамиз ташаббусларини биринчи ўринга қўядиган асосий йўналишлардан бири бу спортдир, чунки П&Г сифатида биз ҳар доим спортнинг шифобахш ва бирлаштирувчи кучига ишонамиз.
Олимпия ўйинлари бутун дунё томоша қиладиган энг йирик спорт мусобақасидир. Глобал ҳамкор сифатида биз 2010 йилги Ванкувер қишки Олимпиада ўйинларида Олимпия ҳалқалари ёнида P&G логотипини дебют қилдик ва ҳозирги кунда энг яхши 12 глобал ҳамкорлардан бири ҳисобланамиз.
Бугун биз ушбу ҳамкорликни Ўзбекистонда ҳам кенгайтираётганимиздан фахрланамиз, спортнинг ҳам жисмоний, ҳам ақлий ривожланиши жамият тараққиёти ва соғлом авлодни шакллантиришдаги муҳум аҳамиятга эгалигини тушунамиз. Шу боис фаолият юритаётган ҳудудларда спортчиларни қо`ллаб-қувватлаш, спорт маданиятини оммалаштириш учун барча имкониятларни ишга солишга интиламиз.
Халқаро Олимпия қўмитасининг жаҳон ҳамкори ва Ўзбекистондаги Олимпия ҳаракатини қўллаб-қувватлаган ҳолда, биз мамлакатимизнинг спортдаги нуфузини оширишга ҳисса қўшмоқчимиз. Ишончимиз комилки 2024 йилда Парижда бўлиб ўтадиган Олимпиада ўйинларида Ўзбекистон терма жамоаси бизни юқори натижалари билан хурсанд қилади”.
Ўз навбатида, МОҚ Бош котиби Ойбек Қосимов бундай ҳамкорлик мамлакатимизда спортини ривожлантириш йўлидаги улкан муваффақият эканини таъкидлади: “Бугунги кунда Ўзбекистон Олимпия ўйинлари ва халқаро мусобақаларда эришаётган ютуқлари туфайли, Ўзбекистон жаҳон спорт марказларидан бирига айланди. Биз П&Г каби глобал компаниянинг ҳомийлиги билан боғлиқ барча имкониятларни ва масъулиятни юқори баҳолаймиз.
Биз энг кенг ижтимоий таъсир учун сиз билан ҳамкорлигимизнинг барча имкониятларидан фойдаланиш ниятидамиз. Ишонамизки, сизнинг компаниянгиз Ўзбекистондаги Олимпия ҳаракати ғояларини қўллаб-қувватловчи қудратли кучга айланади. Бизнинг умумий устувор вазифамиз - бу спортнинг ёрдами билан мамлакатимиз спортчиларининг янги ютуқлари учун туртки бўлади. Бизнинг ҳамкорларимиз ҳам бизнинг давомий ривожланишимиз ва муваффақиятимиз учун муҳим аҳамиятга эга. Биз фахрланадиган ҳамкорларимиз рўйхатига P&G қўшилиши муҳим янгиликдир”.
Procter&Gamble компанияси ҳақида
P&G бутун дунё бўйлаб 5 миллиардга яқин истеъмолчиларга хизмат кўрсатиб, ишончли, сифатли ва этакчи брендларнинг энг кучли портфелларидан бирини таклиф этади, жумладан Pampers ® , Tide® , Ariel® , Head & Shoulders® , Always ® , Pantene® , Fairy® , Oral-B® , Gillette® , SAfeguard® , Venara® , Old Spice® , Lenor® P&G ҳамжамияти дунёнинг 70 га яқин мамлакатларида ишлайди. Қўшимча маълумот олиш учун веб-сайтга ташриф буюринг “www.pg.cоm”.
Реклама ҳуқуқи асосида.
Изоҳ (0)