Самарқанд вилоятининг Ургут тумани ва Тошкент шаҳрида фуқароларни Америкага юборишни ваъда қилган шахслар ушланди. Бу ҳақда ЎзА хабар берди.
Маълум қилинишича, Ургут туманида яшовчи С.А. ўзининг ўғли С.М. билан тил бириктириб, 2 нафар маҳаллий фуқаронинг ишончига киради ва танишлари орқали уларни АҚШга ишга юборишини айтади.
Бунинг эвазига С.А. уларнинг ҳар биридан 11 минг доллардан, жами 22 минг доллар сўраб, ушбу пулнинг 70 фоизини олдиндан, қолган 30 фоизини эса виза ҳужжатлари тайёр бўлганидан кейин беришлари кераклигини талаб қилади.
Ўтказилган тезкор тадбирда у 15,4 минг доллар олган вақтида ушланди.
Шунингдек, Тошкент шаҳрида вақтинча истиқомат қилувчи, 1999 йилда Самарқанд вилоятида туғилган А.Н. ўзининг танишлари ёрдамида фуқарони АҚШга ишга юбориш эвазига 21 минг доллар талаб қилиб, 9 минг долларни олдиндан олган вақтида ушланди.
Ҳозирда мазкур шахсларга нисбатан Жиноят кодексининг тегишли моддалари билан жиноят иши қўзғатилиб, тергов ҳаракатлари олиб борилмоқда.
АҚШга ноқонуний бориш
Ўзбекистондан АҚШга ноқонуний бориш билан боғлиқ фирибгарлик ҳолатлари ҳақида хабар берилишига қарамай, бундай ҳолатлар тез-тез қайд этилмоқда. Хусусан, 2024 йил февралида АҚШга алдов йўли билан юбормоқчи бўлган етти киши ушланди. Апрель ойида Ўзбекистоннинг тўрт ҳудудида АҚШга ноқонуний йўллар билан юборишни ваъда қилган яна бир неча шахслар ушланди. Улар бу мақсадда 14—19 минг доллар атрофида пул талаб қилган.
АҚШнинг Ўзбекистондаги элчихонаси ноқонуний миграция хавфли ва серхаражат уриниш эканини билдириб, Ўзбекистон фуқароларини одамларни товар сифатида кўрадиган жиноий гуруҳлар ёлғон ваъдаларига ишониб, жабрдийда бўлишдан огоҳлантирган.
2024 йилда АҚШ ҳукумати 572 ўзбекни депортация қилган. Бу ундан аввалги йилга нисбатан 6,5 баравар кўп. 2013 йилда 88 киши, 2022 ва 2021 йилларда эса депортация қилинган ўзбекистонликлар сони мос равишда 21 ва 55 кишини ташкил
Изоҳ (0)