19 январь куни АҚШда UFC 311 турнири ўтказилади.
-OdBlOKRH.png)
Ушбу мусобақа доирасида ўзбекистонлик MMA устаси Богдан Гусков бразилиялик Жонни Уокерга қарши октагонга кўтарилиши керак эди. Аммо Уокер жароҳат олди ва ушбу жанг ўтказилмайдиган бўлди.
Ҳозирча Гусковга бошқа рақиб берилиш ёки берилмаслиги ҳақида маълумотлар йўқ.
Яна бир ўзбекистонлик MMA устаси Рамазон Темиров 1 март куни АҚШнинг Лас-Вегас шаҳрида ташкил этиладиган UFC турнири доирасида америкалик Чарльз Жонсонга қарши октагонга чиқади. UFC матбуот хизмати шу ва карддан ўрин олган яна икки жангни расман тасдиқлаб, унинг постерини ҳам намойиш этди.
Маълумот учун, Чарльз Жонсон айни пайтда вазн рейтингида 12-ўринни эгаллаб турибди. У MMA’да 17 ғалаба ва 8 мағлубият қайд этган. Ҳозирда 4 та ғалабали серия билан келмоқда. 33 ёшли Жонсон сўнгги жангини 2024 йилнинг 19 октябрь куни UFC Fight Night 245 турнири доирасида Су Мудаэржига қарши ўтказиб, ҳакамларнинг якдил қарори билан ғалаба қозонганди. Темиров эса 13 октябрь куни АҚШ вакили Си Жей Вергарани биринчи раунддаёқ нокаутга учратиб, UFC’даги биринчи жангини муваффақиятли якунлаган эди.
Изоҳ (0)