Эстония ташқи ишлар вазири Магнус Цахкна Куба ва Бразилияга 9 май куни Ғалабанинг 80 йиллигини нишонлаш учун Москвага парвоз қилишда ўз ҳаво ҳудудидан фойдаланишни маън этди. Бу ҳақда ERR телерадиокомпанияси хабар қилмоқда.
Қайд этилишича, Эстония Куба ва Бразилиядан Москвага ёки орқага учадиган VIP рейсларни тақиқлаган ҳамда 9 май тантаналарига йўл олган бирорта ҳам VIP рейсга рухсат бермайди ёки зарур ҳолларда берилган рухсатни тўхтатиб қўяди.
Цахкнанинг таъкидлашича, Эстония 9 май Ғалаба куни паради муносабати билан ўз ҳаво ҳудудидан Москвага ёки Москвадан парвозларни амалга оширишни рад этади.
“Эстония ҳаво ҳудудидан 9 май паради учун Москвага парвоз қилиш мутлақо истисно этилган ва Эстония ушбу тадбирни ўтказишни ҳеч қандай тарзда қўллаб-қувватламоқчи эмас”, дейди Эстония ташқи ишлар вазири Магнус Цахкна.
Польша, Литва ва Латвия 9 май куни Москвада бўлиб ўтадиган Ғалаба парадида иштирок этиши режалаштирилган Сербия президенти Александр Вучич ва Словакия бош вазири Роберт Фицолар бўлган самолётларнинг ўз ҳаво ҳудуди орқали учишига рухсат бермагани хабар қилинганди.
Россия Федерацияси президентининг ёрдамчиси Юрий Ушаковнинг ма`лум қилишича, Москвада ўтказиладиган Ғалабанинг 80 йиллигига бағишланган тантанали тадбирларда қатнашиш учун ўттизга яқин хорижий давлат раҳбарлари Россияга ташриф буюради.
Изоҳ (0)