Тошкентда 25 май куни Хитой компаниялари билан инвестициялар ва савдо соҳаларига оид қатор ҳужжатлар имзоланди.
Инвестициялар, саноат ва савдо вазирлиги матбуот хизматининг хабар қилишича, ҳужжатлар Хитойнинг Фуцзян провинцияси делегациясининг Ўзбекистонга ташрифи доирасида имзоланди.
Тадбир давомида Хитойнинг Хiamen ITG Group, Fujiаn Хinwancheng Investment, Fujiаn Sitong Stone Company, Fuzhou Fuqiang Precision каби йирик компаниялари билан ўзаро манфаатли ҳамкорликни кенгайтиришга қаратилган 20 дан ортиқ келишувлар тузилди. Келишувлар қурилиш материаллари ишлаб чиқариш, тоғ-кон саноати, тўқимачилик, автомобилсозлик ва бошқа устувор йўналишларни қамраб олди.
Шунингдек, Хорижий инвестицияларни қўллаб-қувватлаш агентлиги ва Хитой халқаро инвестиция ва савдо ярмаркаси (CIFIT) ташкилотчилари ўртасида Ўзбекистонга инвесторларни жалб қилиш ва хорижий компаниялар ўртасида йирик сармоявий лойиҳаларни илгари суриш бўйича ҳамкорлик тўғрисида ўзаро англашув меморандуми имзоланди.
Фуцзян провинцияси Хитойнинг иқтисодий ривожланган ҳудудларидан биридир. Вилоят ялпи ички маҳсулоти 2024 йилда тахминан 800 миллиард долларни ташкил этди. Ушбу провинцияда жойлашган ва келишув имзоланган компаниялардан бири Fuzhou Fuqiang Precision компанияси 2005 йилда ташкил этилган бўлиб, автомобиль деталлари ва электромобиль аккумуляторлари учун иссиқлик изоляциясини ишлаб чиқаришга ихтисослашган.
Изоҳ (0)