71 ёшли актёр Жеки Чан янги “Каратэчи-бола: афсоналар” фильмининг премерасида ўзининг образи ва кинодаги роллари ҳақидаги фикрлари билан бўлишди.
Актёр журналистларга фильмлардаги барча трюкларни ҳали ҳам ўзи бажаришини айтди. “Мен суратга тушаётганимда оғриқни сезмайман, лекин суратга олиш тугагандан сўнг, уйга қайтганимда, жароҳатни ҳис қилишим мумкин”, дейди актёр ҳазил аралаш. У шунингдек, журналистларга кўкарган оёғини ҳам кўрсатди. Актёрнинг қўшимча қилишича, узоқ йиллик кино карьераси давомида жароҳат олишга ўрганиб қолган.
Чан кинода ўзини битта ампула билан чеклаб қўймоқчи эмаслигини айтди. Чаннинг фикрига кўра, Голливудда узоқ вақт давомида унга “мос келадиган сценарий” йўқ эди, шунинг учун у бир хил образлардан воз кечди.
“Мен томошабинлар менинг жангари фильмлар юлдузи эмаслигимни — мени жанг қилишни биладиган актёр эканлигимни билишларини истайман”, деди актёр. Чан, шунингдек, ўзининг келажакдаги лойиҳаларидан бирида “севги ҳикояси”да рол ўйнашни хоҳлашини айтди.
Изоҳ (0)