71 yoshli aktyor Jeki Chan yangi “Karatechi-bola: afsonalar” filmining premyerasida o‘zining obrazi va kinodagi rollari haqidagi fikrlari bilan bo‘lishdi.
Aktyor jurnalistlarga filmlardagi barcha tryuklarni hali ham o‘zi bajarishini aytdi. “Men suratga tushayotganimda og‘riqni sezmayman, lekin suratga olish tugagandan so‘ng, uyga qaytganimda, jarohatni his qilishim mumkin”, deydi aktyor hazil aralash. U shuningdek, jurnalistlarga ko‘kargan oyog‘ini ham ko‘rsatdi. Aktyorning qo‘shimcha qilishicha, uzoq yillik kino karyerasi davomida jarohat olishga o‘rganib qolgan.
Chan kinoda o‘zini bitta ampula bilan cheklab qo‘ymoqchi emasligini aytdi. Channing fikriga ko‘ra, Gollivudda uzoq vaqt davomida unga “mos keladigan ssenariy” yo‘q edi, shuning uchun u bir xil obrazlardan voz kechdi.
“Men tomoshabinlar mening jangari filmlar yulduzi emasligimni — meni jang qilishni biladigan aktyor ekanligimni bilishlarini istayman”, dedi aktyor. Chan, shuningdek, o‘zining kelajakdagi loyihalaridan birida “sevgi hikoyasi”da rol o‘ynashni xohlashini aytdi.
Izoh (0)