Машҳурлиги ва кассабоплиги бўйича оригиналини ҳам ортда қолдирган давомли фильмлар

Янги фильмнинг ҳар бир кичик муваффақияти унинг давоми чиқишини деярли кафолатлайди. Баъзида эса фильмнинг кейинги қисмлари машҳурликда оргиналидан ҳам ўзиб кетиши мумкин.

«Қора рицар» (2008)

«Қора рицар» — Кристофер Ноланнинг Бетмен трилогиясининг иккинчи қисми. Маҳоратли режиссёрлик, қизиқарли сюжет ва, албатта, Хит Лежернинг ажойиб актёрлик иши картинанинг муваффақиятини олдиндан белгилаб берди ва биринчи фильмидан ҳам ўзиб кетди. Картина ижодкорларга бир миллиарддан ортиқ даромад, 2 та «Оскар» ва бутун дунё бўйлаб мухлислар муҳаббатини келтирди.

«Ўргимчак одам: Уйдан узоқда» (2019)

2002 йилда «Ўргимчак одам»нинг 1-қисми омадли чиқди, ундан ўтиш осон иш эмас эди гўё. Marvel компаниясининг 2017 йилги «Ўргимчак одам: Уйга қайтиш» фильми ажойиб актёрлар (Том Ҳолланд, Зендея, Мариса Томей) ва суперқаҳрамон ҳикоясига янгича қараш билан экранларга чиқди. Унинг 2019 йилда чиққан давоми эса катта муваффақиятга эришди: фильм томошабинлар ва танқидчиларни бирдек ўзига тортди, фильмнинг кассаси ушбу суперқаҳрамон ҳақида олдинги барча фильмларни ортда қолдирди.

«Уддалаб бўлмас топшириқ: Натижа»

«Уддалаб бўлмас топшириқ» франшизаси ва келишган актёр Том Круз мухлисларини хурсанд қилишда давом этмоқда. Трюкли саҳналарнинг сифати ва каскадёрларнинг мураккаблиги тобора ортиб бормоқда, ҳикоянинг кўлами эса ҳайратланарли. «Натижа»дан олдинги фильм муваффақиятидан ўзиб кетди, томошабинлар ва танқидчиларнинг энг юқори баҳоларини олди, шунингдек, франшизадаги барча фильмлар ичида энг юқори даромад келтирувчи фильмга айланди.

«Ўйинчоқлар тарихи 2» (1999)

Ўйинчоқлар тарихи мультфильми томошабинлар томонидан севиб томоша қилинади ва кўпчилик ҳар бир қисм ўзига хос тарзда ажойиблигини таъкидласа керак. Ўн йилдан кейин ҳам Вуди, Баз Лайтер ва бошқаларнинг саргузаштларини томоша қилиш кишига завқ бағишлайди. Севимли қисмни ажратиб кўрсатиш жуда қийин, аммо танқидчилар бир овоздан иккинчисига овоз беришди. Ушбу қисмда ижодкорлар анимацияни такомиллаштириб, қаҳрамонлар ўртасидаги муносабатларга янада чуқурроқ бера олган.

«Тор: Рагнярок» (2017)

Ушбу фильмдан олдин мухлислар муҳаббатини кўпроқ Локи қозонган эди. Янги зеландиялик режиссёр Таика Вайтити скандинав худосининг ҳикоясига янги ҳаёт бағишлай олди ва уни бошқача кўринишда тақдим этди. Ҳазил, ҳаяжон ва кутилмаган сюжет бурилишлари томошабинларни бефарқ қолдирмади ва танқидчилар бу ёндашувни тўғри деб ҳисоблашди. 3-«Тор» биринчи 2 қисмдан ҳам касса, ҳам томошабинлар рейтинги бўйича ўзиб кетди.

«Узуклар ҳукмдори: Қиролнинг қайтиши» (2003)

2004 йилда мазкур фильм 11 та «Оскар»га эга бўлди, машҳурлиги бўйича аввалги «Узуклар ҳукмдори: Икки қалъа» фильмини ортда қолдирди ва тарихда абадий қолди. Толкиннинг замонавий графикаси, кўлами ва пишиқ сюжети замонавий даврнинг энг севимли ва қайта кўрса-да маза қиладиган франшизалардан бирини берди.

«Логан» (2017)

2013 йилги «Росомаха: Ўлмас» фильми одатий комикс фильми эди. Аммо Логан ҳикоясининг сўнгги боби франшиза мухлисларининг қалбини забт этди. Бу фильм ностандарт драма бўлиб, унда қаҳрамонлар коинот тақдирининг ҳакамлари эмас, балки касал бўладиган, ҳис қиладиган ва ўладиган оддий одамлардир.

«Ҳаёт-мамот ўйинлари 2» (2013)

Сюзан Коллинзнинг романи асосида суратга олинган «Ҳаёт-мамот ўйинлари»нинг 1-қисми прокатга чиқиб, машҳурликка эришгач, мухлислар 2-қисмни интиқлик билан кутишган эди. IMDb рейтингига кўра, 2-қисм биринчисига қараганда машҳурроқ бўлиб чиқди: томошабинларнинг севгиси юқори рейтинглар ва касса тушумларининг ортиши билан тасдиқланади.