Жанубий Кореяда машҳурлар ўртасидаги муносабатлар доим ҳам осон кечмайди. К-поп юлдузлари шахсий ҳаётига нисбатан мухлислар доим қизиқиш билдиради, бу эса кўпинча муносабатларнинг эрта якунланишига олиб келади. Чунки кўпчилик санъаткорлар ўз имижи ва карьерасини сақлаб қолиш учун ришталардан воз кечишга ҳам тайёр бўлади.
Шунга қарамай, чин юракдан бўлган муҳаббат ҳеч қандай тўсиқлардан қўрқмайди. Қуйидаги Жанубий Кореянинг энг мустаҳкам 10 та машҳур жуфтлиги ҳақида сўз боради.
Шин Мин А ва Ким У Бин
Корейс поп маданиятидаги энг барқарор муносабатлар ҳақида сўз кетганда мухлислар кўз ўнгида биринчи бўлиб гавдаланадиган жуфтлик бу Шин Мин А ва Ким У Бин бўлади. Улар ҳақида алоҳида сценарий ёзиш мумкин. Шин ва Ким 2015 йилда реклама суратга олиш майдонида танишган ва тез орада учрашишни бошлашган. 2017 йилда Ким У Бинга саратон ташхиси қўйилганида, кўпчилик жуфтлик ажралади деб ўйлаган, аммо Шин Мин А қаллиғининг ёнида қолиб, уни қўллаб-қувватлади ва касалликни енгиб ўтишига ёрдам берди.
Ли Бо Ён ва Чжи Сон
Бу икки актёр “Сўнгги рақсни менга қолдир” драмасида танишган. Сериалда бош ролни бошқа актриса ижро этган бўлса-да, Чжи Соннинг юрагини забт этган инсон айнан Ли Бо Ён бўлган. 2007 йилда улар муносабатларини расман эълон қилган, 2013 йилда турмуш қурган. Бугун улар икки нафар фарзанд – 2015 йилда туғилган қиз ва 2019 йилда дунёга келган ўғилни тарбияламоқда.
Южин ва Ки Тхе Ён
S.E.S гуруҳининг собиқ аъзоси, машҳур актриса Южин ўз бахтини 2009 йилда “Тақдирдан қочиб кетолмайсан” драмасида бирга ишлаган Ки Тхе Ён билан топган. Орадан икки йил ўтиб, 2011 йилда улар оила қуришди. Оилада 2015 ва 2018 йилларда туғилган икки чиройли қиз фарзандлар бор. Южиннинг айтишича, биринчи қизи отасига, иккинчиси эса унга ўхшайди.
Чхве Су Ён ва Чон Кён Хо
Улар 2012 йилдан бери бирга бўлишса-да, деярли ҳеч қаерда бирга кўринишмаган. Гарчи Чхве ва Чон 2014 йилдаёқ ўзаро муносабатлари жиддий эканлигини тасдиқлашган, бироқ жуфтликни омма олдида кўриш жуда камёб ҳолат. Яширин муносабатларига қарамай, икковлон бир-бирини доимо самимий сўзлар билан тилга олишади, аммо ҳозирча турмуш қуришдан кўра карьерага кўпроқ эътибор қаратишни маъқул кўришади.
Те Ян ва Мин Хё Рин
К-поп айдоли ва Bigbang аъзоси Те Ян анъанавий қадриятлар тарафдори бўлиб, илк муҳаббатини учратгач, узоқ кутишни истамади ва дарров никоҳдан ўтди.
Мин Хё Рин 2014 йилда Те Яннинг “1АМ” клипида суратга тушганидан сўнг учраша бошлаган. Сўнг 2018 йилда турмуш қурган.
Табло ва Кан Хе Чжон
Эпик High гуруҳининг аъзоси Табло актриса Кан Хе Чжонни бир кўришда севиб қолганини таъкидлайди. Улар 2009 йилнинг кузида турмуш қурди (Кан Хе ўшанда ҳомиладор эди) ва 2010 йилда оилада Ҳару исмли қизалоқ туғилди. Табло фарзанди билан фахрланади ва тез-тез унинг суратларини ижтимоий тармоқларда бўлишиб туради.
Чо Джон Сок ва Гамми
Ушбу ажойиб жуфтлик 2013 йилда танишишган. Ўшанда Чо Джон Сок “Ҳедвиг ва бахтиқаро дюйм” мусиқий фильмида ишлаётган бўлган. Аввалида уларнинг муносабатлари анча мураккаб бўлган, сўнг 2018 йилда турмуш қуришган. 2020 йилда илк фарзанди дунёга келган.
Тигер ЖК ва Юн Ми Ре
Бу жуфтлик нафақат бир оила, балки ҳип-ҳоп дуэти ҳамдир. Улар 2006 йилда танишишган, Юн Ми Ре Тигер ЖК асос солган Jungle Entertainment’га қўшилгач, муносабатлари бошланган ва 2007 йилда турмуш қуришган.
2008 йилнинг март ойида ўғиллари Жордан туғилган. 2013 йилда улар янги Feel Good Music лейблини ташкил этиб, Биззй билан бирга MFBTY гуруҳини тузишган.
Рейн ва Ким Те Хи
Бугун улар намунали оила сифатида танилган бўлса-да, илк танишувлари унчалик ҳам ижобий бўлмаган. 2013 йилда реклама суратга олишда учрашишганда, икковлон бир-бирларига унчалик мос эмасликларини тан олган. Йигит армиядан ёзган тасодифий хабари натижасида улар яхши келиша бошлаган ва 2017 йилда турмуш қурган. Ҳозирги кунда жуфтликнинг икки қизи бор.
Хаха ва Бёл
Кўпчилик комик Хахани “Чексиз чақириқ” ва “Югураётган одам” шоулари орқали танийди, аммо у мусиқа билан ҳам шуғулланади. Айнан шу соҳа туфайли у ҳаётидаги ягона муҳаббати — Бёл билан учрашган. Улар 2012 йилда турмуш қурди. 2013 йилда биринчи фарзанд ўғиллари Dream (Орзу) туғилди, 2017 йилда эса яна бир ўғил — Soul (Руҳ). 2019 йилда эса Song (Қўшиқ) исмли қиз фарзандли бўлди.
Изоҳ (0)