Қамчиқ довонида ҳаво булутли бўлиб, ҳарорат 0 даражага тушган. Бу ҳақда “Қамчиқавтойўл ИЙФК” давлат муассасаси хабар берди.
Айтилишича, довоннинг баъзи жойларида ёмғир ёғмоқда, баъзи жойларида эса ёмғир қорга айланган.
Айрим жойларда туман, ҳаво ҳарорати 0 даражани ташкил этмоқда. Автотранспорт воситалари икки томонлама хавфсиз ҳаракатланмоқда, дейилади муассасаси ахборотида.
Қамчиқ довони орқали ҳаракатланаётган барча ҳайдовчилардан об-ҳаво шароитини инобатга олган ҳолда тезликни меъёрдан оширмасдан, оралиқ масофани сақлаб ҳаракатланишларини ва барча хавфсизлик чораларини кўришларини тавсия қилинган.
Аввалроқ Ўзбекистоннинг шимолий ҳудудларига Урал (Россия) ҳудудидан совуқ ва нам ҳаво массалари кириб келгани, 14—15 октябрь кунлари антициклон мамлакатнинг барча ҳудудларига таъсири бўлиши хабар қилинган эди.
Унга кўра, республика бўйича баъзи жойларда ёмғир ёғади, тоғолди ва тоғли ҳудудларда кучли ёмғир ёғади, баланд тоғларда ёмғир қорга айланади, фақат республиканинг шимолий ҳудудлари бўйича ёғингарчилик кутилмайди. Чоршанба куни фақат Фарғона водийси вилоятларида ёмғир ёғиши эҳтимоли сақланиб туради.
Изоҳ (0)