Қамчиқ довонида 13 октябрь куни эрта тонгда қор ёғди. Бу ҳақда ФВВ матбуот хизмати хабар берди.
“Фавқулодда вазиятлар вазирлиги йўл-транспорт ҳодисалари билан боғлиқ фавқулодда вазиятларнинг олдини олиш мақсадида, довон ҳудудида ҳаракатланишда ҳайдовчилардан барча хавфсизлик чораларини кўришларини сўраб қолади”, — дейилади хабарда.
“Ўзгидромет” Ўзбекистоннинг аксарият ҳудудларида 13 октябрь куни ёмғир ёғиши, тоғолди ва тоғли ҳудудларида ҳаво ўзгариб туриши, тоғларда баъзи жойларда қор ёғиши тўғрисида хабар берганди.
- Эслатиб ўтамиз, октябрь бошларида Қашқадарё вилоятининг баланд Ҳисор тоғликларида қор ёғиб ўтгани айтилганди.
- “Ҳисор” давлат қўриқхонаси ҳудудида 2023 йил 28 сентябрь—1 октябрь кунлари қор ёғиб, ҳаво ҳарорати пасайиб, дарё ва булоқ сувлари музлаш ҳолатлари кузатилган.
Изоҳ (0)