Қамчиқ довонидан ўтган автомобиль йўлининг 236—241-километрлари оралиғида 21 март куни майдалаб қор ёғмоқда. Бу ҳақда Йўл ҳаракати хавфсизлиги бошқармаси хабар қилди.
Қайд этилишича, ЙҲХХ барча ҳайдовчилардан об-ҳаво шароитини инобатга олган ҳолда, тезликни меъёрдан оширмасдан оралиқ масофани сақлаб ҳаракатланишини сўраган.
Эслатиб ўтамиз, Гидрометеорология маркази 21 март куни қандай об-ҳаво бўлишини маълум қилганди. Унга кўра, республиканинг тоғли ҳудудларида ҳаво ўзгариб туради, ёғингарчилик кутилмайди. Баъзи жойларга туман тушиши мумкин. Қор кўчиши хавфи бор. Шамол шарқдан 7-12 метр/секунд тезликда эсади. Ҳарорат кечаси 2-7 даража совуқ, кундузи 3 даража совуқ-2 даража илиқ бўлади.
Аввалроқ Қамчиқ довонида 15—18 март кунлари шамол кучайиб, туман тушиши мумкинлиги хабар қилинганди. Тошкент—Ўш автойўлининг Қамчиқ довони ҳудудида 17 март куни туман тушиши кузатилган. Кўрувчанлик 5 метрни ташкил этган.
Изоҳ (0)