Ўзбекистон Миллий банки, Инфинбанк биноси, шунингдек, “Ташкентленд” аквапарки, Урганч, Бухоро ва Самарқанд аэропортларини қайта таъмирлаш ишларини бажарган “Аysel Group” компанияси Тошкентда янги Hills Blue турар жой мажмуаси сотуви бошланганини эълон қилди.
Шу муносабат билан 12 сентябрь куни пойтахтда турар жой мажмуасида хонадонлар сотилиши бошланишига бағишланган тантанали тадбир ўтказилди.
Тадбир меҳмонлари тақдимот доирасида ўзбек замонавий эстрада юлдузларининг чиқишларидан баҳраманд бўлиб, тақдимотнинг кулминацион нуқтаси — кечги мушакбозлик манзараларидан завқланди.
Лойиҳанинг асосий буюртмачиси қурилиш, туризм, қишлоқ хўжалиги ва соғлиқни сақлаш соҳаларида кўп йиллик тажрибага эга Hills Group компаниясидир.
Ҳамкорларимиз билан бирга икки йилдан ортиқ вақт давомида Hills Blue турар жой мажмуаси лойиҳасини тайёрладик. Лойиҳанинг меъморий жиҳатига Туркиянинг “Hasan Sözüneru Mimarlik” компанияси масъул бўлди, техник назоратни эса Франциянинг “Burau Veritas” инспекция-сертификатлаш компанияси амалга оширди, қурилиш билан боғлиқ барча масалаларни “Аysel Group” ўз зиммасига олди. Барча ҳамкорлар ўз соҳаларида етакчи эксперт саналади. “Аysel Group” ҳисобида Ўзбекистон Миллий банки, Инфинбанк бинолари, “Ташкентленд” аквапарки, Grand Mir меҳмонхонасини қуриш, шунингдек Урганч, Бухоро ва Самарқанд аэропортларини қайта таъмирлаш кабилар мавжуд, — дейди Hills Blue лойиҳаси раҳбари Азизбек Каримов.
Таъкидланишича, замонавий архитектура Hills Blueнинг ноёб жойлашуви билан уйғунлашади. Турар жой мажмуаси пойтахтнинг марказий туманларидан бирида, шу билан бирга, шаҳар шовқинидан четда жойлашган. Мажмуадан бир қадам нарида масжид, соя-салқин Япон боғи ва Тошкентдаги энг катта аквапарк мавжуд.
Hills Blue ТЖМ — кенг кўламли лойиҳа, у 44 қаватли марказий бинони ва бешта 22 қаватли турар жой блокларини, ҳамда яна бир қанча кўп қаватли биноларни ўз ичига олади. Лойиҳада яна ҳашаматли ресторан, кўплаб дўконлар ва офислар, жамоат ҳудудлари ва яшилликка бурканган ободонлаштирилган ҳудудни яратиш кўзда тутилган. Биз лойиҳанинг ҳар бир жиҳатига: зилзилабардошликдан то экологик тозаликкача эътибор бердик. Масалан, Ўзбекистон учун долзарб бўлган сейсмик синовларни ўтказиш учун япон мутахассисларни таклиф этдик. Мажмуа биносининг юқори зилзилабардошлилигини қозиқоёқли пойдевор конструкцияси таъминлайди, унда юқори тоифадаги А500 классдаги 51 664 тонна темир арматура ва М600 классдаги бетон ишлатилган. Мажмуа қуёш панелларидан то генератор ва сув резервуаригача — ҳар қандай шароитда сиз учун қулай ҳаётни таъминлайдиган технологиялар билан жиҳозланган, — дейди Франциянинг “Bureau Veritas” компанияси вакили Фатиҳ Алпай.
Сотувга турли майдонга эга бирдан тўрт хоналигача бўлган, балконли 2700 дан ортиқ алоҳида апартамент қўйилган. Бу эса барча, катта-кичик оилалар эҳтиёжига тўғри келади. Хонадонлар якуний пардозлашдан олдинги ҳолатида сотилади.
Ерости автотураргоҳи электромобиль соҳиблари учун зарядлаш станциялари билан жиҳозланади. Ундан хонадонгача юқори технологик тезкор лифтда қулай ва хавфсиз кўтарилиш мумкин. ТЖМ лойиҳасида генератор ва сув учун умумий резервуар кўзда тутилган. Томларда экологик ва тежамкор қуёш генерацияси тизимлари ўрнатилган. Улар иссиқ сув таъминотини кафолатлайди. Hills Blue резидентларининг тинч ва осуда ҳаётини ҳеч нарса бузмаслиги учун, хонадонлар ўртасида товуш изоляциясига алоҳида эътибор берилган.
Турар жой мажмуаси резидентлари учун яна кўплаб жамоат масканлари: қумли ва рангли терапия хоналари, туз ва қор хоналари, ёпиқ бассейн, спа-лобби, ёга студияси ва 18-қаватда бутун бошли очиқ турдаги спорт мажмуаси муҳайё қилинган. Ушбу очиқ спорт мажмуаси ҳудди ердаги анъанавий спорт ҳудудлари каби сайр қилиш ва югуруш учун йўлакчаларга эга. У 360 градусли панорама кўринишга эга. Асосий 44 қаватли бинонинг пастки қаватларида ишчи ҳудудлар, юқори қаватида эса ҳашаматли ресторан жойлашган. У ерда пойтахтнинг ажойиб маназараси намоён бўлади. Блоклар атрофини ландшафт дизайни, спорт майдончалари ва сайир ҳудудларига эга кўкаламзор ҳудуд қамраб олади.
Hills Blueдан хонадонлар сотиб олиш тўғрисидаги батафсил ахборотни компания офисидан олиш мумкин.
Реклама ҳуқуқи асосида
Изоҳ (0)