• USD12855.93
    • RUB128.16
    • EUR13570.72
    Маҳаллий (Ўзб)

    Қўлда терилган пахта нархи 2500 сўм этиб белгиланди

    Ҳукумат томонидан 9 октябрдан бошлаб қўлда терилган 1 кг пахта учун 2500 сўмдан тўлаш белгиланди. Бу ҳақда Қашқадарё вилояти ҳокимлиги матбуот хизмати хабар берди.

    Фото: “Дарё” / Мадина Нурман

    Маълум қилинишича, бу нарх аҳоли даромадларини ошишига ҳам хизмат қилади. 

    “Масалан, бир оиладан 4 киши кунига 400 кг пахта териб, 1 млн сўм ишлаб топса, бу қолган 20-25 кунлик теримда 20-25 млн оилавий даромад дегани”, дейилади хабарда.

    Шунингдек, тармоқларда Наманган вилояти ҳокими Шавкат Абдураззоқов теримчиларга бир кило пахта учун 2500 сўмдан тўланишини айтган видеолавҳа тарқалди.

    Хабар қилинишича, қўлда терилган 1 кг пахта хом ашёси учун 2500 сўмдан 2000 сўми кредит, 500 сўми кластер корхонаси ҳисобидан тўланади.

    Эслатиб ўтамиз, 2023 йили Ўзбекистонда пахта терими учун янги тўлов нархлари эълон қилингани, унда 1 килограмм пахта учун биринчи теримда 2100 сўмдан, иккинчи теримда 2600 сўмдан кам бўлмаган миқдорда ҳақ тўланиши белгилангани ҳақидаги хабарлар тарқалганди.

    Қишлоқ хўжалиги вазирлиги бундай хабарлар асоссиз эканини маълум қилиб, айни кунларда пахта теримига нарх белгилаш бўйича ишлар вазирликлар билан келишув жараёнидалигини билдирганди.

    Кейинроқ Ўзбекистонда пахта хом ашёси нархи талаб ва таклифдан келиб чиқиб томонлар келишуви асосида белгиланиши айтилган эди.

    #пахта

    Мавзуга доир

    1. Hukumat tomonidan 9 oktyabrdan boshlab 1kg qo‘lda terilgan paxta uchun 2500so‘mdan narx to‘lanadi deyilgan edi, lekin afsuski xalq aldov qurboni bo‘ldi. Navoiy viloyati Navbahor tumani Qalqon ota mahallasida 1kg qo‘lda terilgan paxta uchun 1360so‘mdan to‘lanyabdi. Barcha aholi bundan norozi

      Жавоб бериш
    Жавоб қолдиринг

    ×Lightbox Image