90 яшар Шаҳодат Саидалиева ва 88 ёшли Анорхон Мансурова Тўрақўрғон туманидаги “Бекобод” маҳалласида истиқомат қилади. Бу ҳақда “Дарё” мухбири Азизбек Абдувалиев хабар бермоқда.
Табаррук ёшни қаршилаган опа-сингилларнинг бирлари 11, яна бирлари 9 нафар фарзандга бош. Икковларида 100 дан ортиқ невара-эваралар бор.
Анорхон ая Мансурова
Фото: Тўрақўрғон туман ҳокимлиги ахборот хизмати
Анорхон Мансурованинг ўғли Сардорбек шу маҳалладаги фермер хўжалиги раҳбари. Опа-сингил хўжалик далаларига чиқиб, пахта теришни одат қилишган. Тушлик вақтига қадар 45-50 килограммдан хирмон уйишмоқда.
Шаҳодат ая Саидалиева
Фото: Тўрақўрғон туман ҳокимлиги ахборот хизмати
“90 ёшга қараб кетаётган бўлсам, умримнинг 70 йили далада ўтди. Пахта тердим, пилла боқдим. Менга эргашиб, ўғлим ҳам фермер бўлиб кетди. Бекор ўтирмайлик деб, опам икковимиз далага чиқиб турибмиз. Ҳам қон юришади, ҳам хирмонга барака”, — дейди Анорхон ая.
Фото: Тўрақўрғон туман ҳокимлиги ахборот хизмати
Изоҳ (0)