АҚШ Оқ уйида Украинага навбатдаги ҳарбий ёрдам пакети бўйича жиддий мунозаралар "деярли йўқ", деб ёзмоқда The New York Times (NYT) Конгрессдаги киэв тарафдорларига таяниб.
Нашрнинг ёзишича, Европа расмийлари ҳам АҚШдан разведка маълумотларини Украинага узатишда давом этишлари ҳақида кафолат олмаган. NYT таъкидлашича, яқинда Украина билан муносабатларида Оқ уй "одатда нима беришни режалаштираётгани ҳақида эмас, балки нима олиши ҳақида гапирмоқчи".
Бир кун аввал АҚШ президенти Дональд Трамп агар можарони ҳал қилиш бўйича музокаралар натижа бермаса, Киевга ҳарбий етказиб беришни тўхтатиши мумкинлигини айтган эди. Давлат департаменти агар томонлардан бири ёки иккаласи ҳамкорликдан бош торца, Вашингтон можарони ҳал қилиш бўйича саъй-ҳаракатларга бошчилик қилмоқчи эмаслигини тасдиқлади.
The Economist нашрининг ёзишича, Трампнинг ёрдамчилари Европанинг Украинани мустаҳкамлашга қаратилган ҳаракатларидан “тўйган”.
Аввалроқ Европа дипломатияси раҳбари Кая Каллас 2025 йилда Европа Иттифоқи Украинага ўтмишдагидан 15 фоизга кўпроқ ҳарбий ёрдам кўрсатишига ваъда берганди.
Изоҳ (0)