Россияда президент Владимир Путиннинг топшириғига биноан 7 ёшдан катта болалар учун дронларни бошқариш бўйича мусобақалар ўтказилади.
-xfOGUzb9.avif)
2026 йилдан бошлаб ўтказиладиган болалар учун Бутунроссия мусобақалари “Келажак учувчилари” деб номланади. Путин топшириғига кўра, бундай мусобақаларда иштирок этиш учун минимал ёш 10 ёшдан 7 ёшгача пасайтирилади. Иштирокчиларга “дронлар (учувчисиз учиш аппаратлари) пойгаси” спорт тури бўйича унвон ва разрядлар бериш йўлга қўйилади.
Россияда 2023 йилда юқори синфларда ўтказиладиган бошланғич ҳарбий тайёргарлик дарсларига дронлардан жанговар мақсадларда фойдаланиш асослари ҳам киритилган. Дастур доирасида ўқувчилар дрон турлари, вазифалари, тактик-техник хусусиятлари ва умумий тузилишини ўрганади. Шунингдек, улар разведка олиб бориш ва душман дронларига қарши кураш усулларини ҳам ўзлаштиради.
Украинада уруш бошланганидан сўнг Россия мактабларида тикланган ҳарбий тайёргарлик бўйича мажбурий ўқув дарсларини 5-синфдан ўтиш таклиф этилган. Депутат Виктор Водолацкий шундай таклифни илгари сурган. У россияликлар биринчи тиббий ёрдамни қандай кўрсатишни билмаслигини айтган.
2022 йил уруш бошлангач, Россияда бошланғич ҳарбий тайёргарлик дарслари қайта жорий этилди. Ўқувчиларга жанг пайтида биринчи ёрдам кўрсатиш, ҳаво ҳужумида яшириниш ва бошқа ҳимоя усуллари ўргатилади. Шунингдек, улар қўл гранаталари билан ишлашни ҳам ўрганмоқда.
Изоҳ (0)