Инсонлар ҳаётидаги кўплаб ишларни автоматик тарзда бажаришга кўниккан, чунки бизга шундай ўргатишган ёки атрофимиздагилар ҳам худди шундай қилишади. Аммо кундалик ҳаётда ишлатадиган кўплаб предметлар аслида бошқача, самаралироқ йўл билан фойдаланиши мумкин. Қуйида бунга 7 та мисолни келтирамиз.
Билакларга атир сепиб, уларни ишқалаш
Атирни билакларга сепиб, сўнг ишқалаш кенг тарқалган хатодир. Терида ишқаланиш натижасида атир молекулалари бузилади ва ҳид тезроқ “учиб” кетади. Тўғри усул — атирни сепиб, уни табиий йўл билан қуришига имкон бериш.
Қулоқни пахта таёқчалари билан тозалаш
Пахта таёқчалари қулоқ каналини тозалаш учун эмас, бу ҳақда шифокорлар ҳам доим огоҳлантиради. Бундай таёқча қулоқ кирини ичкарига итариб юбориши ва натижада ички қисмда тиқин ҳосил бўлишига олиб келиши мумкин.
Антиперспирантни суртиш вақти
Кўпчилик антиперспирантни эрталаб, уйидан чиқишдан олдин суртади. Аммо у кечқурун, тер безлари унчалик фаол бўлмаган вақтда суртилса, яхшироқ таъсир қилади ва терлашни камайтиради.
Микротўлқинли печда овқатни иситиш
Овқат ликопнинг марказига тўплаб иситилса, у нотекис қизийди. Уни четларга ёйиб, ўртани бўш қолдириш керак, шунда таом бир хил даражада исийди.
Блендерни ювиш
Блендернинг пичоқларини қўл билан тозалаш хавфли ва ноқулай. Яхшиси — унга сув ва бир томчи идиш ювиш воситасини солиб, бир неча сонияга ёқинг. Блендер ўзини ўзи ювиб беради. Бу хавфсиз ва самаралидир.
Қулоқчинларни нотўғри тақиш
Агар қулоқчинлар доимий равишда тушиб кетса, эҳтимол уларни нотўғри тақаётган бўлишингиз мумкин. Аксарият қулоқчинлар учини юқорига ва қулоқ орқасига йўналтириб тақиш керак, шунда улар маҳкамроқ туради.
Мандарин пўстини арчиш
Мандаринни пўстидан тозалаш вақт талаб этади. Унинг ўрнига мевани ўртасидан кесинг ва ташқарига қарата очинг, шунда бўлаклар ўз-ўзидан ажралиб чиқади.
Изоҳ (0)