Тухум қайнатиш, попкорн тайёрлаш: микротўлқинли печ ёрдамида ишингизни осонлаштирадиган 8 та лайфхак
Уй юмушлари кўп вақтни олади, уни янада қизиқарли машғулотларга сарфлаш ҳам мумкин. Ўйлаб кўринг: аёллар умрининг камида 18 йилини ошхонада ўтказади! Агар бу вазиятга матонат билан чидашга тайёр бўлмасангиз, ушбу усулларни ёдда тутинг — улар уй юмушларингизни осонлаштиришга ва пишириш вақтини қисқартиришга ёрдам беради.
Нўхатни тезда қандай қайнатиб олиш мумкин?
Қуруқ нўхатни чуқур шиша идишга солинг ва устидан сув қуйинг. Бир чимдим истеъмол содаси қўшинг. Идишни озиқ-овқат плёнкаси билан ёпинг ва микротўлқинли печга 10 дақиқага қўйинг. Шундан сўнг нўхат яна 30-40 дақиқа қайнатилади. Бу усулдан сўнг у бир неча баробар тезроқ пишади.
Товуқ гўштини тез пишириш усули
Хом товуқ гўштига туз ва хуштаъм зираворлар сепинг. Уни идишга солинг ва ярим стакан тоза сув қуйинг. Идишни ёпиштирувчи плёнка билан маҳкамланг ва микротўлқинли печга 4-5 дақиқага қўйинг. Соғлом кечки овқатнинг оддий (ва энг муҳими, тез) версияси тайёр!
Бир вақтнинг ўзида иккита порсия овқатни қандай исица бўлади?
Вақт тиғизлигида ҳамда энергияни тежаш учун микротўлқинли печда бир вақтнинг ўзида икки порсия овқатни исита оласиз. Масалан, бир коса шўрва ва бир ликопча таом. Печ камерасига чуқур ликоп ёки коса қўйинг ва устига текис, каттароқ диаметрли тарелкани қўйинг. Микротўлқинли печни 3-3,5 дақиқа давомида ёқиб, икки хил овқатни бир текисда қиздиринг.
Цитрус меваларидан қандай қилиб мўлроқ шарбат олиш мумкин?
Цитрус меваларидан кўпроқ шарбат олиш учун лимон, лайм, апелсин ёки грейфуртни микротўлқинли печга 20 сония қўйинг. Кейин меваларни иккига бўлинг. Ундаги шарбатни сиқиб олинг.
Попкорн тайёрлаш учун жўхори донларини доим ҳам қовуриш шарт эмас
Попкорнни уйда осонгина тайёрлаш мумкин. Маккажўхори донларини ҳажмидан 10 баравар каттароқ қоғоз қопчага солинг. Халтанинг юқори қисмини бир неча марта қатланг ва микротўлқинли печга қўйинг. “Портлаш” частотаси секундига иккита тортишишгача тушганда, микротўлқинли печни ўчиринг ва халтачани яна бир неча дақиқага қолдиринг.
Пица қандай иситилади?
Совиб қолган пица бўлаги микротўлқинли печда устини ёпмасдан қиздирилса, намлик йўқолиши туфайли у жуда қуриб кетади. Бунинг олдини олиш учун камерага бир стакан сув қўйинг — пица янада юмшоқ ва хуштаъм бўлади.
Тухум қайнатишнинг осон усули
Маълум бўлишича, микротўлқинли печда пиширилган тухумнинг таъми ресторанникидан чакки эмас. Шиша идишга 1-2 ош қошиқ сув қуйинг, ичига тухумни эҳтиёткорлик билан чақиб солинг, сариғини вилка билан тешиб қўйинг — шунда қизиб кетганда у “портламайди”. Идишни ликопча билан ёпиб, микротўлқинли печга қўйинг.
Қайноқ шоколад қандай тайёрланади?
Энг оддий, аммо энг мазали иссиқ шоколад учун стаканга 1 чой қошиқ шоколад солинг. Шоколад пастасини сут билан тўлдиринг. Ичимликни микротўлқинли печда 1-2 дақиқа ушлаб туринг, сўнг яхшилаб аралаштиринг.
Мавзуга доир:
- Нега уддабурон уй бекалари лимонни микротўлқинли печга қўйишади: пазандалик лайфхаклари
- Кўйлакни дазмолсиз текислаш, телевизор пульти учун энг қулай жой ва яна 9 та янги лайфхаклар
- Уй бекаларига таом тезроқ тайёр бўлишида ёрдам берадиган 10 та лайфхак
