Пластик бутилкаларнинг деярли ҳаммаси чиқиндига ташланади. Улардан бир-биридан фойдали буюмлар ясаш мумкин. Қаламлар, дори-дармон қутиси ва ҳатто, тозалаш воситалари учун сават — сизга керакcиз идишлардан қандай қилиб классик ва фойдали нарсаларни ясашни ўргатамиз, деб ёзади “Новий очаг” нашри.
Коктейл учун муз
Бир дона пластик идишга тоза ичимлик сув солиб, музлатиб қўйинг. Музни синдириш учун шишани столга бир неча марта қаттиқ уринг. Пластмассани кесиб олинг ва муз бўлакларини чуқур идишга солинг. Ушбу лайфхак бир вақтнинг ўзида коктейлларга катта миқдорда муз керак бўлган ҳолларда фойдалидир.
Тозалаш воситалари учун сават
Беш литрли пластик шишадан тозалаш учун қулай портатив организатор ясай оласиз. Идишнинг ортиқча қисмларини кесиб олинг. Пластмассанинг қирраларини шам ёки зажигалка олови билан ёқинг, бу қирраларни текислаб чиқишга ёрдам беради. Саватга тозалашга мўлжалланган турли кимёвий моддалар ва тозалаш аксессуарларини қўйинг — салфеткалар, губкалар, чўткалар. Уни хонадан хонага олиб бориш жуда қулай бўлиб, сизга керак бўлган ҳамма нарса доимо қўлингизда бўлади.
Дори қутиси
Иккита пластик бутилканинг бўйнини қопқоғи билан кесиб олинг. Пластмассани қайчи билан текисланг ва ёпиштирувчи асбоб (пистолет) ёрдамида иккита қисмни бирлаштиринг. Олинган дизайндан таблекталарни сақлаш учун фойдаланинг. Бундай таблетка қутисини ўзингиз билан олиб юриш қулай — у ҳатто, энг кичкина сумкачага ҳам мос келади.
Қаламдон
0,33 литр ҳажмдаги кичик пластик идишдан қалам ва ручкалар учун чинакам қалам қутисини ясашингиз мумкин. Пластмассани аэорозолли бўёқ ёрдамида исталган рангга бўянг. Бўёқ тўлиқ қуригач, шишани ярмидан иккига бўлинг.
Пластик диаметрига мос замокни идишнинг иккита қисмига ёпиштирувчи асбоб (пистолет) ёрдамида бириктиринг. Қарабсизки ажойиб ўқув қуроли тайёр!
Чўтка қутиси
0,33 литрли идишни ярмидан бўлинг. Пластмассани қайчи билан текислаб олинг ва уни аэрозолли бўёқ билан бўянг. Энди уни дид билан безатиш ишлари қолди холос.
Ошхона воронкаси
Агар уйда бундай воронка бўлмаса, уни пластик идишдан ясаш мумкин. Идишнинг юқори конусини қайчи билан кесиб олинг ва суюқликларни қуйиш учун ундан фойдаланинг.
Хокандоз
Керакcиз беш литрли пластик бутилка ҳовли учун яхшигина ҳокандоз вазифасини бажара олади. Ва бюджетни тежаш ва атроф-муҳитни муҳофаза қилишга ҳисса қўшади!
Кўчат учун гул туваклар
Пластмасса бутилкаларингизни ташлаб юборманг, баҳорга келиб сизда кўчатга гул туваклар ясаш учун етарли материаллар бўлади. Ҳаммаси оддий — бутилканинг пастки қисмини кесиб олинг ва ортиқча сув чиқиб кетиши учун бир нечта тешиклар қилинг. Буни игна билан қилиш мумкин. Кўзни қувонтириш учун уларни хоҳишга кўра бўянг.
Изоҳ (0)